今日又去大嶼山行,不過今次既地方就唔同啦,今日由中環搭船入,因為俾原先時間早咗到達,所以去咗長洲先。長洲好似唔係好耐之前去過,所以記憶猶新。但係
上次就無行到張保仔洞,所以今次要去嗰邊行吓先。可能係平日,加上d遊人只係踏單車,所以當向山上行時就人影都冇,超驚,最驚狗同埋d異獸。行到去張保仔
洞真係一個人都冇。嗰洞口而家係咁,好似落唔到去wor,唔係寫住嗰洞字都唔知呢度就係。
(呢個就係洞口)
離開咗張保仔洞就跟據指示去五行石嗰邊,呢度行好似仲險過之前張保仔洞,但係因為係狹窄既樓梯上與幾個旅行人士相遇,忘記了影張相留念添!
再一路行向白鰽灣方面行,估唔到要爬梯同攀石。
出番去之後居然會行到去長洲墳場,但原來係上面條路行都可以去返碼頭,又見可能近清明都有d人,所以沿墳場行。但係估唔到嗰墳場咁大仲有火葬場添,都要行
一段時間先過晒。過完之後再行一段路就開始係民居啦!安心晒。跟住就係一路行一路行去番東灣海灘。咁樣行都行咗成兩個幾鐘。去到海灘唸住要搵風帆雕像,但
係都唔見,又要趕住搭橫水渡過坪洲,所以唔搵啦!
搭橫水渡去坪洲都差唔到要一粒鐘,坪洲完全係一個鄉下,咩都冇咁。因為要就船期,所以有成個幾鐘行,唯由跟指示行去手指山。點知呢度仲驚,真係一個人都
冇,但係都行緊冇辦法,去到分叉路,我哋冇再上山,繼續沿路行,點知又見到有山墳,好驚之下仍然繼續向前行,人影都冇,都唔知有冇前路,但都照行。行行吓
有d民居,但係好似仲過緊d自給自足既生活咁,有d菜地係屋前,再過咗之後又係一片死寂。哎吔!又去到一個紀念公園,點解今日好似變咗拜山咁。不過過咗呢
度就真係有路落返碼頭。
離開坪洲,搭船出番去愉景灣,真係超近,望都望到好多大廈。係愉景灣嗰商場行咗一圈之後,就坐返車出欣澳港鐵站。呢個站咩都冇,巴士都係得呢一駕。因為係
欣澳站、時間又許可,所以最後呢個景點就係坐吓迪士尼列車。迪士尼我係開幕前去過,所以嗰時大把人,未試過任影既列車。完成埋呢個行程,今日既遊記亦結
束。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
張保仔洞
G-fit
元朗橫洲二聖宮
北京定陵
萬里長城居庸關
張氏宗祠
鄧氏宗祠 (屏山)
屏山愈喬二公祠