今日下晏入咗東涌搭昂平360。唔想咁迫同咁多人爭，所以我哋3點鐘先搭纜車入去。入去唔算好多人，4個人就可以坐到一架纜車真舒服。仲要有d
特別門票，一程纜車再加一日任搭大嶼山巴士都係$73，超平。坐纜車都唔係好驚，都幾穩，而且又好快就去到昂平添。去到昂平市集都好多人，有咗纜車真係唔
同d。我哋冇行到大佛，跟住就搭車落去大澳。
![]()
![]()
今次行大澳同上次唔同，今次一去就行咗去曬蝦醬嗰邊，再一路行到去大澳碼頭及舊警署。由於上次去唔到望機場嗰觀景台，所以今次都循住嗰觀景亭出發，最後都搵到。不過今日d天氣都係比較溕，所以唔係好睇得清飛機降落嗰情況。
![]()
跟住我哋離開大澳，去咗梅窩。去到梅窩已經好夜，太陽都準備落山，所以我哋只係行去銀鑛灣酒店及沙灘睇吓，之後就再搭車落去機場翔天朗食飯。
今日行程豐富，又鬼咁早起身跑步，所以好攰，不過都要睇埋今日d電視及寫埋blog記錄咗先瞓。ok寫完，準備瞓先！
後記：其實由東涌沿山路都可以行到去大佛等地(搭纜車就會見到一條好清楚既棧道)，所以希望可以籌備係復活節可以組隊行吓先。順帶係昂平自然中心遇到過行山者，佢話佢嗰行山會歡迎有興趣者參加，上完佢嗰blog都好想join吓行馬鞍山wor！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
