因為去圓玄學院關係,今日入咗荃灣。我都係第一次去圓玄學院,果然係一個拜太歲既地方,原來有好多個太歲,仲有指定你邊年行去邊個太歲度,勁啊!去完圓玄
學院又落咗去綠楊坊度食嘢。之後當然要去吓citywalk,咁新既場點可以唔知架!但係好多嘢都未開,都冇嘢睇。跟住再去埋隔離如心廣場,點知都係得間
酒店冇嘢睇。去得到嗰頭,突然提議去吓栢麗灣睇吓,搭船入去都係5蚊姐,不過就要半個鐘先一班。突然咁想去都係因為日日睇到最美麗的第七天,所以睇吓環境
係點(你話電視魔力幾大啊!點可以唔用嚟賣廣告。)。
入到去環境都真係幾清優,好似愉景灣既感覺。由馬頭到餐廳,再而到海
灘及行人路,喺套戲都經常見到。一路沿行人路行見到馬灣公園嗰牌,咁我哋繼續向嗰個方向進發,嗰公園都冇人到,但係就有好多個人係度打理緊。公園內好似一
個自然角,不過都係算細嗰隻,有晒牌指示係咩花草樹木。不過都幾無聊,係度住嗰d人都唔知會唔會有咁好閒情行嚟呢個公園睇吓。仲有無聊到每日都換花園嗰日
子,咁無聊緊係要影低佢,無聊人!
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/