澳門威尼斯人

食既嘢都算幾好未，不過好可惜乳豬要早兩日book所以食唔到。但係下次再去澳門我唸我都係選擇過第二間會好d。

跟 住離開媽閣廟嗰頭，唸住都有橋去乙米仔，點知有就有，但係一個鐘先有一班巴士，所以都係搭的士，咁就順道去埋路環，點知搭去路環要成$70，為咗只係食葡 撻，咁個葡撻既係要成30幾40蚊真係貴。食完之後就搭車去威尼斯人。威尼斯人面積真係好大，仲未開晒，開晒都唔知點行。
入到去，先去咗酒店嗰面，跟住先再入到去商場嗰頭。

噢!唸住坐吓d鳳尾船，點知原來咁貴$120位，吓仲要咁短，3條運河打通就差唔多。而商場入面既感覺就藍天白雲，但係就覺得好似去咗台場咁，冇咩特別‧
反而最特別係天花版，畫晒畫咁。又可以係賭場前近距離影相，感覺幾好。
去完威尼斯人又去另一個賭場參觀 - 美高梅金殿。對比威尼斯人佢就略為失色。因為只係普通5星級酒店加賭場，不過咁新都要去吓既。

行完賭場就去手信街食嘢，好懷念d碗仔翅同埋蝦子麵，同埋燉奶。反而又話黃枝記d竹昇麵好味，仲要係老舖嗰間，點知去到都係不外如事，大失所望。我哋最後仲有去到內港嗰頭，唉!好似有間新酒店wo，不過原來未開，但係門口嗰波好靚wor，睇嚟農曆新年都應該開業。

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/