一去到坐底就知唉坐背脊位，之前都預咗但係冇唸過真係可以咁，其實位就本身好近第三行，但係只係對住背脊，其實呢d位有冇必要賣480蚊啊，咁貴。同埋佢
嗰台真係好細吓，佢都攞盡晒紅館d位吓。因為背住舞台所以睇度晒電腦哥哥control住電視d貓紙，d音樂都未起就知道佢唱咩歌，攪到冇晒新鮮感，而且
又跟住d歌詞一齊唱，仲以為自己去咗嗰大k房。
今次演唱會如果以氣氛計，一定好過之前2004無與倫比啦，因為d人真係好熱情好高漲，美中不足只係周董成日會返入後台，令到氣氛即時又冷卻，唔能夠一路
盡情落去。但係如果我自己覺得無與倫比好似好睇d，因為唱慢歌比較多，但係今次就唱快歌好似多d。以我普通話既程度，真係唔係好知佢唱緊d咩內容。
另外，佢今次玩咗好多樂器吓，有鋼琴、結他、鼓、仲有古箏添，知佢勁啦，都唔駛咁show off. 當然最like佢彈鋼琴，但係我都好鍾意中樂，所以嗰part 佢唱髮如雪加彈古筝真係好正，而之前又有菊花台，呢d中國味咁重既歌我就最like。
最後佢話要3年後先會再嚟開wor，又要等吓啦！
