一篇文章要寫兩次真係慘,咩mood都冇晒,又唔記得噚日係點寫‧點解會寫完準備發表時先話俾我聽system正在upgrade緊,所有嘢reload 都load 唔返,氣頂!我試吓唸返噚日點寫先‧
前
晚睇咗楊千嬅2007 All About
Love演唱會,今次演唱會佢好似真係有俾到心機排吓舞同埋練吓歌‧點解咁講,因為佢再無喺d高音位度扮喊扮笑唔唱lor,就算俾平時低兩個key都試吓
去唱,OK!另外,佢自己都講冇電視機去睇歌詞,雖然歌詞都有d甩,但係就冇以前咁嚴重‧不過佢真係唱咗好多舊歌,(其實可能係冇咩新歌姐)‧由華星年代
開始,好多好好聽既舊歌都唱咗‧正!
而我最想睇係佢跳舞嗰part,因為今次佢有去搵我最like既日本組合Exile教佢跳舞同埋幫佢
排舞‧咁佢跳得都尚算ok,起碼佢隻腳有跳吓啊,唔似古巨基隻腳好似貼住嗰地咁‧另外嘉賓都幾特別吓,之前都勁講有古天樂,仲要同佢激吻,攪到我都冇認真
去聽佢嗰part唱歌,只係等佢呢一幕快d出現同埋睇吓有幾激‧除咗古天樂,仲有梁漢文,佢著晒唔知係唔係屬於18世紀既宮殿武士衫,不過嗰part我以
為係一個短劇,點知佢出嚟原來只係合唱一首歌「滾」‧不過點解我哋嗰場無第三個嘉賓出現架‧雖然係再冇嘉賓,不過可能係最後一場,所以真係唔介意罰錢,再
encore 出嚟仲唱3首歌,包括再見二丁目、最後的歌同埋數你‧真係好啦!
總結,佢今次演唱會好睇過2004開年大典好多,而佢既表現又認真咗‧OK,我決定俾返嗰剔佢‧(之前嗰剔係新城烈女風雲演唱會度攞走咗啦!)
Remark: 再寫真係唔記得寫過d咩,突然又唸起返啦!勁講佢呢嗰演唱會好睇,但係最記得都係一開場要一箭穿心,再嚟唱首新世紀褔音戰士做演唱會opening既歌,好鬼特別!而第二part似童話故事背景,d眼啊、咀啊出晒嚟都幾怪lor‧好!應該都講齊晒啦!
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/