晚飯@OVOCAFE~

懷孕時期, 老公覺得出街食都盡量選一些標榜健康或清淡的食店 (其實最後都係想食咩就食咩:P)~ 我自己都係想揀些特別、而且好食的店舖, 不過其實這2個方向都唔會有衝突的, 因為健康的食物都可以好食又特別架~ 今次就有機會試吓這間西式素食café~

去到覺得裝修好有心思, 周圍都是植物~ 而且café隔離就是一間花店, 挺有園藝的氣息~ 不過晚餐的選擇不多, 於是我選了一份all day breakfast, 老公就叫了一碟意粉~ 可惜我倆都不好咖啡, 聽講這裡的咖啡沖得不錯, 但冇機會試啦~


老公叫的闊條麵 (全名是: 黑水欖蕃茄乾松子仁香草闊條麵), 賣相都不錯, 而且味道亦唔錯, 有各種蔬菜味道, 還有松子仁, 添上不同的口感~ 可是份量真係唔多, 幸好這日老公吃了個很飽的午餐, 不然他一定抱怨份量不足~



我叫的all day green breakfast 應該是這裡的名物, 在openrice幾乎個個都係叫呢個~ 雖然幾乎一百蚊一碟, 不過又真係幾好味, 牛角包熱呼呼, 上面舖滿不同的果仁碎, 而且幾香~ 蕃茄真係幾juicy, 不酸不苦, 甜甜的味道唔錯~ 炒蛋幾滑, 而沙律菜加了一些橄欖油及鹽, 吃落易入口~ 唯一冇咩特別就係茄汁豆, 合格~ 食完都幾飽架, 起碼飽過我老公啦~ 加多20蚊有杯熱茶, 再加多啲錢可以叫其他飲品, 不過清清啲茶就算了~ 普通茶包茶, 冇咩特別~

埋單2百多元, 可以接受啦 (這裡不用收加一)~ 入到去最初我們見到張張細枱都寫住 “reserved” 的時候, 侍應都有招呼我們坐下, 以及簡介餐牌, 服務都ok~ 不過不太明白, 其實當日冇咩人, 點解啲枱都係 “reserved”呢?......

如果唔係趕住走, 有機會好想午餐或下午茶時段再來試食~ 不過就要有心理預備要等位~~



店中的 “街市”, 這個裝潢都幾有趣的, 可能因為它的原址是街市啦~~

http://www.ovocafe.com.hk/

https://www.facebook.com/OVOCAFE.green?ref=stream

http://www.openrice.com/zh/hongkong/restaurant/%E7%81%A3%E4%BB%94-ovocafe/169508?region=0&s=3

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================