齊慶生辰@Isono Eatery & Bar

早前已到過同營的VASCO這間格局沒那麼formal但一樣地可愛~

這大酒杯很吸睛如放入閃石更見迷人~

是日set lunch侍應話兩星期轉一次餐牌~午餐$159 2courses w/Dessert or $189 3courses w/Dessert~

Weekend menu豐富點可選3-4 courses

跟上的法包硬得有點鎅口未算香脆不過點上香醇油醋同吃又頗滋味喎!!

我跟甜魔媽媽不約而同揀了Ham有機蜜瓜清甜配上為數不少的鹹香火腿(勁抵食)真係好令人神往連識食嘅妹妹亦搶住吃呀魅力之大可見一番~

主菜我揀選Chargrilled Norwegian Salmon三文魚皮煎到脆卜卜魚肉juicy嫩滑好香魚油味伴以Sour Cream吃解膩醒胃Matthew仔很愛吃那Sour Cream呢,炒什菜有青瓜大蔥香氣撲鼻又清新整體都很有水準呢~

甜魔媽媽主菜係Double-cooked Australian Lamb Shank w/Mashed Potatoes & Tempranillo reduction聽說羊腿頗美味我更不客氣試了點薯蓉薯味超香濃好鬼正呢~

甜品得兩款選擇當然要晒佢啦Homemade Sorbet有濃郁香滑朱古力,香甜芒果和清新酸甜士多啤梨雪葩妹妹見到朱古力雪葩已拋開淑女枷鎖盡情大口大口送入櫻桃小口好Enjoy呢~

Catalan Cream Foam w/Pineapple & Toffee Ice-cream呢個甜品質感好可愛拖肥味好出底層有D菠蘿蜜餞泡沬得來又有D咬口不錯呢~

原來仲預訂咗好好味的蘋果批呢個蘋果批真係好味到傻面層焦脆蘋果肉香甜到不得了配埋雲尼拿雪糕吃罷想升仙呢~祝我倆生日快樂,日日有食神^0^

大家應該估到MC見到蠟燭會點架啦好不容易才捉得住兩隻小馬騮影張合照攪到我跟甜魔媽媽也忘了影生日合照呢!(請無視我那隻肉臂)不過店方安排那跟蠟燭十分好因為係吹不熄的整蠱蠟燭吹多少次也沒問題啦小兄妹勁開心呀~

美美的名字咖啡~

我就例牌凍檸檬茶隻杯圓碌碌勁似我啊~haha

8 齊慶生辰@Isono Eatery & Bar