是晚約了好友於旺角閒逛，為了發掘新美食，特意沿著較少到訪的砵蘭街尋找用餐地點。途經 Amour Corner ，門面格局較附近店舖富格調，菜式價錢又頗合理，決定一試。

餐廳裝潢是一般西餐廳格局，部分餐桌放置了燭臺以添氣氛。一行二人簡單點了一客二人餐，內含頭盤、餐湯/沙律、主菜、甜品及咖啡茶五道菜，定價$268，其實都幾抵。







頭盤青蘋果鵝肝多士拼巴馬火腿哈蜜瓜，先吃較淡味的巴馬火腿哈蜜瓜，火腿鹹香度合預期，哈蜜瓜雖爽口，但甜度水頭稍遜。鵝肝味道都算濃郁，但油份稍高，配上酸爽青蘋果剛好用來減卻那份膩感。最底層的多士沾滿鵝肝油份，亦固然少吃滋味。

餐湯沙律二選一，淺嚐一口南瓜湯，湯質很薄，口味很淡，瓜香甜味給力不足，有點失望。雖未嚐好友的蘑菇湯，但評價都是差不多，味道很淡，看餐廳要加把勁改良餐湯出品。

主菜醬烤全份豬肋骨，二人享用份量不算少，醬汁食味調較都算不錯，豬肋骨烤得幾腍幾上色入味，倘若肉汁更豐碩會更佳。配上的薯蓉頗香滑，不俗。

另一主菜菠菜汁三文魚意粉，餸料份量明顯少一點，三文魚味道OK，醬汁濃稠口味都算對辦，但菠菜出力不明顯。意粉掛上醬汁都見滑口熱辣，咬下富嚼勁。

甜品提拉米蘇，芝士咖啡香味皆只屬一般，口感略實身。相對上牛奶布丁口感佔優，較滑溜，牛奶味道亦出，甜度則可減少一點。

計及價錢，各款菜式水準都算合乎預期，加上用餐環境算靜，與三五知己 Happy Hour 或用餐都算合適。

[14/5/2015; Thu]

============================================

感謝 VCY 提供以上資料

VCY的網誌: http://www.openrice.com/zh/gourmet/reviews.htm?userid=92753&city=hongkong

============================================