相約了好友於中環用膳，選址擺花街的 JAR 。餐廳樓底比較矮，餐桌放置密度高，用餐環境略嘈。午市套餐有八款，價錢由$140至$198不等，內含沙律吧/餐湯、主菜、甜品及餐飲。

沙律吧食材選擇不算多，沙律菜有兩款，切得比較碎。另有煙三文魚、茄子、南瓜、凍豆腐、辣蝴蝶粉、青瓜螺頭等等。煙三文魚口味稍鹹，味道一般。南瓜甜美。辣蝴蝶粉口味帶辣幾惹味。青瓜螺頭甜中帶爽亦是合適前菜。其餘款式無乜特別。

不論點上沙律吧或餐湯，餐廳皆送上每人一小個香草餐包，餐包食感微暖，鬆軟，味道不俗。

主菜燒法國春雞跟粟米及薯條，春雞肉質不夠滑溜多汁，調味稍鹹，普普通通。粟米甜香可口。薯條放涼實身無乜味。

另一主菜澳洲穀飼肉眼牛扒配燒薯及雜菜，肉眼扒約八九成熟，比要求過熟了一點，未知是否因此肉質不夠腍及多汁。肉香方面算上合格。配菜燒薯明顯比薯條做得好。

甜品意大利奶凍，比一般吃到的軟身，挺滑，雖稍甜，味道仍算不錯。

餐飲凍奶茶單看色水已知出事，奶香弱，茶澀感非常重，不合格。下回還是點咖啡穩妥一點。

最後一談服務，大體上無問題，但上菜結賬較慢。再計及用餐環境及食物質素，性價比不高。

[26/2/2015; Thu]

============================================

感謝 VCY 提供以上資料

VCY的網誌: http://www.openrice.com/zh/gourmet/reviews.htm?userid=92753&city=hongkong

============================================