三號風球高掛，橫風橫雨，亦不減品嚐美食之興，今次的目標是上環印度皇。

餐廳內部挺大，座位寬敞舒適，但印度風味不算強。

在未點餐之前，店員已端上脆香小吃，小小一片脆餅，夠薄夠脆，鹹中帶辣，幾好食喎！只是每人一塊不甚足夠！

先來的美食是燒雞(Basmati Chicken Tikka)，用鐵版盛載，夠熱辣又夠香氣撲鼻，香料調味恰到好處，雞件肉厚嫰口，仍含少許肉汁，實屬難得！

另一香口美食咖哩石斑(Basmati Fish Masala)，咖哩汁同樣美味，石斑滑口腍身，食味不俗。

以咖哩汁配上薄餅吃，永遠是上佳之選。簡單一塊蒜蓉薄餅(Garlic Naan)，蒜蓉口味不算濃，餅底鹹鹹地，脆中帶煙韌，空口吃或蘸咖哩汁吃皆宜。

炒雜菜(Mixed Vegetable: Chinese Style)相對上少了份印度風味，但味道都算有水準，菜蔬選材以爽口配搭為主。

飲品簡單點了一杯Ginger Ale，清清的，解辣解膩皆宜。

整體而言，各款食品皆有水準，可以一試！

[13/8/2013; Tue]

============================================

感謝 VCY 提供以上資料

VCY的網誌: http://www.openrice.com/zh/gourmet/reviews.htm?userid=92753&city=hongkong

============================================