週日晚用餐於將軍澳新都城，發現了一間挺抵食而食物品質不俗的餐廳：鳳苑名廚。
每道小菜五六十元，大大碟，係今時今日，都幾難揾。
薑葱粉絲肉蟹煲：孖寶之一，肉蟹挺細隻，肉不多，但多羔，整體質素可接受。用上的粉絲品質普通，浸於醬汁久了少不免影響口感。
![薑葱粉絲肉蟹煲 - 將軍澳的鳳苑名廚)]( "薑葱粉絲肉蟹煲 薑葱粉絲肉蟹煲")
砂窩煎焗有機魚腩煲：孖寶之另一員，薑葱調味加上砂窩煎焗，香氣噴噴。魚腩是否有機無從稽考，但所用的珍珠魚腩又確係幾滑好味。
![砂窩煎焗有機魚腩煲 - 將軍澳的鳳苑名廚)]( "砂窩煎焗有機魚腩煲 砂窩煎焗有機魚腩煲")
鳳城窩蝦貼：蝦貼多士炸得金黄，不算油膩，咬落脆口。用上的海蝦亦無欺場，味鮮彈牙！
![鳳城窩蝦貼 - 將軍澳的鳳苑名廚)]( "鳳城窩蝦貼 鳳城窩蝦貼")
籠仔梅菜蒸菜心：菜心翠綠清甜，亦幾腍身。因放在荷葉上蒸煮過一會，菜心亦沾上少許荷香。
![籠仔梅菜蒸菜心 - 將軍澳的鳳苑名廚)]( "籠仔梅菜蒸菜心 籠仔梅菜蒸菜心")
砂窩魚茸粥：一窩魚茸粥，出品熱辣辣，可分約十碗酒樓的白飯碗。魚茸數量雖不算太多，但幾細滑甜美。隨粥附上一小碟調味配料，有香葱生菜等，加多減少随意，安排不錯。
![砂窩魚茸粥 - 將軍澳的鳳苑名廚)]( "砂窩魚茸粥 砂窩魚茸粥")
![砂窩魚茸粥調味配料 - 將軍澳的鳳苑名廚)]( "砂窩魚茸粥調味配料 砂窩魚茸粥調味配料")
陳皮紅豆沙：贈送甜品，味道偏淡，不起沙，普通。
![陳皮紅豆沙 - 將軍澳的鳳苑名廚)]( "陳皮紅豆沙 陳皮紅豆沙")
[20/5/2012; Sun]
============================================
感謝 VCY 提供以上資料
VCY的網誌: http://www.openrice.com/zh/gourmet/reviews.htm?userid=92753&city=hongkong
============================================
