作晚在朗廷L’Eclipse享用了一頓豐富的自助晚餐。餐廳面積不大，setting都ok嘅，但比起其他餐廳如唐閣，當然無咁舒適。平日價錢$468一位另加一，假期再貴$20，老實說，並不便宜。不過，一分錢一分貨是真的，店內供應多是貴價菜式，而且供應不絕，賣相吸引。另外，碰巧可享用生日優惠，生日月份那位免費(須按原價付加一)，絕對抵吃！

先說沙律吧，各式蔬菜配料有十數款，用料新鮮，尤其是沙律菜，完全能吃得出「爽甜」這味道！

冷盤以海鮮為主，青口、翡翠螺、凍蝦、琵琶蝦應有盡有。主角是龍蝦，有迷理龍蝦仔、波士頓龍蝦及澳洲龍蝦任君選擇。全部海鮮都很新鮮，味道不俗。說起冷盤，當然亦不少得生蠔。為保新鮮，廚師會在你的面前開生蠔；為保衛生，廚師亦堅持要用專用碟來盛載生蠔。生蠔有兩款，澳洲蠔體積較少，海水味較濃，帶鹹味；美國蠔體積較大，較甜較creamy。

日式美食有壽司及刺身，款式不算多，各有四五款。壽司賣相麻麻，尤其是壽司飯，製作得形狀大少不一，以五星酒店的標準來說並不合格。至於刺身，質素so-so喇！

熱盤款式亦有十數款，豬、牛、羊、雞齊備。龍蝦及蠔的熱食款式亦不少，尤其是即烤蠔，配合蒜蓉、煙肉等來吃很惹味吸引。除了一般熱盤，餐廳亦有提供一些咖喱、燒味及車仔麵檔等美食。

較為特別的是每名顧客可從原隻鮑魚、燕窩薑汁蛋白布甸、煎和牛及比目魚四款主菜中選兩款美食。原隻鮑魚約二三十頭，味道不算香濃，一般。和牛肉質腍，有牛味，不過比起一些aged過嘅牛扒，味道還是差了一點。比目魚portion較少，很重牛油香味，唔錯。

最後是甜品，同樣有十數款，有雪糕、pancake、朱古力噴泉、各式慕絲、cheesecake等等，賣相精緻。雪糕幾滑，不過甜咗DD。其他甜品味道一般喇！另外，每人也有當晚甜品精選一客，作晚是「朱古力三重揍」，有朱古力梳乎厘、朱古力蛋糕等。梳乎厘texture過實，無了入口即溶之口感；其餘兩款味道都甜咗少許。

總括來說，此店用料新鮮，食物水準不俗，尤以海鮮冷盤較出色。適逢優惠，值得一試。

[16/9/2009; Wed]

============================================

感謝 VCY 提供以上資料

VCY的網誌: http://www.openrice.com/zh/gourmet/reviews.htm?userid=92753&city=hongkong

============================================