王子飯店聽聞係米芝蓮推介餐廳之一。座落維港一旁，居高臨下，景緻確是不錯。店內座位亦寬敞舒適。不知原因為何，食客多是日本人，店中員工很多也能操流利日語。

食物主要以中菜為主，亦有日式食品如刺身等供應。貴價食品如鮑蔘翅肚當然不少得，但作為家常便飯，都只係點了數款小食小菜而已。

餐前小食有兩小碟，較為應節的是月餅，蛋黃蓮蓉月拼五仁月，順道為店內月餅卷作推廣。先來小食燒鱔一碟，雖是餐廳推介之選，但味道無乜特別，而且內含細骨不少，影響了品嚐美食的心情。再來豆腐海鮮羹及西湖牛肉羹各一客。豆腐海鮮羹的豆腐切成小粒狀，伴以蝦、帶子等食材，味道OK。西湖牛肉羹的牛肉有鮮味，可惜莞茜味更濃，蓋過了其他味道。王子BB鴿size真的很少，不過確係幾juicy嘅。另一餐廳推介草莓香酥骨，不見得很美味，至少應有的草莓香味也欠奉，確是令人失望。焗芝士海鮮南瓜，都幾大個，兩個人吃實在有點膩。芝士汁略為杰咗DD，唔夠香。海鮮同樣有蝦、帶子、貴妃蚝等。南瓜本身煮得很腍，唔錯。最後是送的糖水，芋頭西米露，唔係太甜，普普通通喇！

總括來說，此店景觀靚，食物普通，價錢偏貴。

[29/8/2009; Sat]

============================================

感謝 VCY 提供以上資料

VCY的網誌: http://www.openrice.com/zh/gourmet/reviews.htm?userid=92753&city=hongkong

============================================