平日下午到中環、金鐘一帶食飯真艱難，雖然預訂了位子，但到達後仍舊要等！待有位之時，才知道需要搭枱！！
第一次光顧此店，店舖的左手邊看似以快餐店的形式經營，而右手邊則是一般的日式餐廳。餐廳內裡的裝潢簡單，亦唔覺有濃烈嘅日本feel。午市定食超過二十款，算是多選擇，價錢大概也要百餘元一個人，以金鐘這地段來說，還說可以接受吧！
今天點了一客牛肉烏冬拼壽司定食。牛肉烏冬嗰湯底甜甜地，主菜嘅牛肉和平時火煱的肥牛差不多，幾好味。配菜有雜菜、冬菇、日式年糕等等。剩吃這碗烏冬已八成飽了。至於壽司拼盤，有四件手握壽司及一件卷物，賣相都唔錯，有光澤，味道亦鮮甜。相較之下，好友魚生飯嘅魚生，味道就差DD。試了一件帶子及甜蝦刺身，腥味較濃，似乎無咁新鮮啦！至於稻庭麵，麵質OK，湯中加了少許天婦羅用嘅脆炸粉，幾好食喎！
[31/3/2009, Tue]
![牛肉烏冬拼壽司定食 - 金鐘的四季日本料理)]( "牛肉烏冬拼壽司定食 牛肉烏冬拼壽司定食")
![稻庭麵拼魚生飯定食 - 金鐘的四季日本料理)]( "稻庭麵拼魚生飯定食 稻庭麵拼魚生飯定食")
============================================
感謝 VCY 提供以上資料
VCY的網誌: http://www.openrice.com/zh/gourmet/reviews.htm?userid=92753&city=hongkong
============================================
