此酒樓開業不久,地方較新淨。是日點了一個$368套餐,包括例湯、蒸魚及小菜三款。例湯是西洋菜煲猪,一煲可分十碗,味道都ok嘅。小菜選了水蜜桃古嚕肉,個汁味道唔算突出,古嚕肉肥瘦唔平均,只屬一般水準。腰果炒八寶齋,八款齋菜如冬菇、磨菇、白果等等切粒,伴以腰果炒香,聽落健康,但其實整碟菜很油膩。海鮮雜菜煲,唔算多海鮮,但勝在清清地,味道穩陣。最後是清蒸海斑,十二至十四兩重,理應是最fit最嫩口的size,可惜肉質都是鞋了一點。
點心方面,只試了燒賣、綿花雞和蛋撻。燒賣和綿花雞普通啦,而蛋撻超唔得,個蛋心和撻皮已分離,應是翻熱的原固。
最後不得不提是服務,都唔明點解係咁嗺你食埋枱面D嘢,仲要唔止一次。臨尾更說:「你地趕唔趕時間,我幫你埋單先!」乜真係咁趕咩?!我最後只答一句:「我唔趕,你趕D!」
[3/2/2009, Tue]
============================================
感謝 VCY 提供以上資料
VCY的網誌: http://www.openrice.com/zh/gourmet/reviews.htm?userid=92753&city=hongkong
============================================