因好友有一張免費松葉蟹coupon將於一月頭到期，為免浪費，遂前往光顧。是晚被安排坐塌塌米，雖有特色，但當然無咁舒服。桌面面積亦較少，唔足夠放滿所有食物。食物款式亦略嫌唔夠多。
時令壽司拚盤：16件壽司$320，唔算便宜。款式有三文魚、三文魚子、帶子、鱆紅魚、吞拿魚、吞拿魚腩、甜蝦、海膽、鰻魚、松葉蟹等等。魚生算新鮮，有光澤，味道唔錯
松葉蟹：相對其他coupon，這張coupon算是非常易用，早一日預留並於晚膳時段使用已可，沒有其他限制。因coupon只包松葉蟹一隻，如想熱食的話，需另加$30加火煱湯底一客。湯底是普通雜菜清湯，內裡的豆腐超滑，好食！講番隻蟹，蟹身有手掌般大，蟹羔不算多，蟹脚則較平日吃的肉蟹大及多肉。相較長腳蟹，松葉蟹蟹肉較有蟹味。上碟時整隻蟹已切成適當大小，雖賣相不及整隻上碟，但勝在方便食用。尤其每隻蟹脚早以被剪開，更見廚師的細心
什錦天婦羅：炸漿太厚，較油膩。炸功一般
鐵板豬頸肉：可能因豬頸肉太厚的關係，肉質略韌，整體味道ok
燒頂級牛扒：用鐵板自己燒。牛扒脂肪分佈平均，肉質非常嫩滑，夠juicy，亦夠牛肉味，good
菠菜松葉蟹煱：用小火爐烘著。味道普普通通
泡菜軟殼蟹煱：用小火爐烘著。泡菜湯微辣，夠惹味同香，軟殼蟹一般
鰻魚蜆肉釜飯：用燒熱的鐵煱盛載，賣相ok，不過味道麻麻
唔經唔覺原來叫了這麼多蟹，哈哈？！埋單時因過$800，又送松葉蟹coupon兩張(可同時用)，會再考慮再來一次。
[27/12/2008, Sat]
============================================
感謝 VCY 提供以上資料
VCY的網誌: http://www.openrice.com/zh/gourmet/reviews.htm?userid=92753&city=hongkong
============================================
