又一城既Greyhound是我在香港食既第一間店鋪, 相隔數月再去食, 水準仍是保持得很好.
Greyhound有好多款小食、主菜選擇, 但我最喜歡的, 還是以下的哦~
最愛軟殼蟹沙律配蜜糖芥末醬, 好大隻蟹、好厚身、好多肉呀~~~ 廚師既手勢好掂, 唔會炸得太乾, 肉質鮮嫩, 還嘗到黃色膏添~ 新鮮的生菜沾上蜜糖芥末醬, 清甜爽口~~~
![Greyhound café的相片 - 九龍塘)]()
炸粟米蟹肉餅配甜酸醬, 一碟5件, 都好大塊架~ 最LIKE佢唔太油, 蟹肉餅又彈牙, 就算唔沾醬都好夠味.
![Greyhound café的相片 - 九龍塘)]()
辣肉醬手包粉卷, 每次食都係咁好味, 粉卷做得夠薄, 要成功拎起每張薄薄的都有難度架, 一定要用叉先撩得到. 若果多D菜就好了, 咁就可一塊菜+一張粉卷+辣肉醬+青醬
![Greyhound café的相片 - 九龍塘)]()
若果以賣相來判斷美味程度, 呢碟香草辣椒炒雞肉碎配白飯絕對呃到人~ 豬肉碎食得多, 雞肉碎炒出來一樣可口, 而且混入了辣椒, 少少辣, 惹味呀~ 所以話人不可以貌相, 佳餚也是.
![Greyhound café的相片 - 九龍塘)]()
來Greyhound食飯, 特色檸檬茶不能少吧~ 今次我待冰粒完全融解才飲, 發覺檸茶沒有因此溢出杯口, 看來真是經過精密的品質監控, HAHA
![Greyhound café的相片 - 九龍塘)]()
甜品! 甜品! 今次唔食椰子千層蛋糕, 改食野莓, 酸酸甜甜, 極之開胃, 加上我十分喜歡莓類, 所以點都會偏心啦~
![Greyhound café的相片 - 九龍塘)]()
仲試左件香蕉榛子芝士蛋糕添~ 屬於軟芝士蛋糕, 唔會太滯; 絕配香蕉加朱古力, 有得輸嗎? 餅底有點散, 用叉拮下去就鬆散了; 碟內有很多碎粒榛子, 當初以為係混入蛋糕內哩~
![Greyhound café的相片 - 九龍塘)]()
題外話/補充資料
店員都很好, 知道有些菜我們要share, 都拿了足夠碟給我們.
============================================
感謝 JannisT 提供以上資料
JannisT的網誌: http://www.openrice.com/zh/gourmet/reviews.htm?userid=233167&city=hongkong
============================================
