響香港食野實在太多選擇了, 中西日韓意泰, 咩都有, 但我相信泰菜依然穩佔港人心中頭三甲. 過去的週末, 我就跟朋友到此店用膳, 人多永遠能夠叫多D, 試多D.
單是頭盤已有6款啦~~~
![軟殻蟹沙律配蜜糖芥末醬, 秘製辣肉醬手包粉卷, 單骨雞翼 - 旺角的Greyhound Cafe)]( "軟殻蟹沙律配蜜糖芥末醬, 秘製辣肉醬手包粉卷, 單骨雞翼")
從左至右、上至下:
1. 薄切三文魚片配泰式辣汁- 我唔食魚既, 無食到, 但點了少少汁來食, 嘩! 辣到飛起呀~~~~
2. 招牌單骨雞翼 - 這是我在香港第二次食單骨，今次的雞翼肉質較上次的嫩，味道亦較突出
3. 軟殻蟹沙律配蜜糖芥末醬 - 響香港較難食到經烹煮後仍然有肉的軟殻蟹，這裏的算是不錯吧 ！肉沒有被炸乾，肉質還很有汁！芥末味重返些少就perfect啦
4. 脆炸粟米蟹肉餅配甜酸醬- 炸得幾好, 口感與粟米墨魚餅相似, 配甜酸醬可除油膩感
5. 意大利肉腸芝士餡餅- 對呢個期望太高, 唔係話唔好食, 但沒有拉得出既芝士, 感覺有點失落, 幸而個餅烘得夠脆
6. 秘製辣肉醬手包粉卷 - 菜很新鮮，夠力承托薄薄的粉卷、肉醬及香草汁，很惹味！個綠色醬汁超讚呀~~~ 即使食到最後無生菜, 用肉醬黎撈意粉都無得頂~
主菜不會比頭盤輸蝕! 照樣點了6道:
![鮮蝦金邊粉, 香草辣椒雞肉碎配白飯, 泰式河蝦冬蔭功湯河 - 旺角的Greyhound Cafe)]( "鮮蝦金邊粉, 香草辣椒雞肉碎配白飯, 泰式河蝦冬蔭功湯河")
1. 泰式河蝦冬蔭功湯河 - 很闊的河粉！即使放耐了亦不會浸得太淋或大爛，粉量足夠. 最讚係隻蝦,大大隻，2-3人share黎食都不至於淺嚐。可能湯底是為配合港人口味，我認為可重味d~
2. 鮮蝦金邊粉 - 好好食，是我在泰國食到的味道！真係食唔停口啊〜 彈牙的蝦、拌了花生碎及辣椒碎，少少辣更能刺激食慾！
3. 泰式銀魚柳意大利面- 炒得很乾身, 面質略硬, 個汁係微辣的. again, 我唔食魚, 所以唔知銀魚柳整成點
4. 香草辣椒雞肉碎配白飯 - 外表平庸，但卻是禾稈冚珍珠！微辣的雞肉碎不會炒得韌，雞肉碎拌了足夠醬汁，與米飯一併放進口，真係無得輸！個湯甜甜地，可能就是泰式風味〜
5. 泰式咸魚乾辣椒意大利面- 見到兩隻乾辣椒, 都知唔少野! 但有蕃茄, 受誘引下食了兩條, 很惹味, 嗜辣的朋友岩晒!
6. 鮮蝦辣椒膏炒飯- 賣相好似印尼炒飯, HAHA~ 個隻係咸蛋來的, 第一次食這樣的咸蛋. 似乎是每粒飯粒都沾滿辣椒膏, 所以這味又是很辣的, 都係個句, 嗜辣的岩晒!
食greyhound既主因之一 - 甜品(特別是那椰子千層蛋糕)
![椰子千層蛋糕, 野莓千層蛋糕 - 旺角的Greyhound Cafe)]( "椰子千層蛋糕, 野莓千層蛋糕")
1. 十月尾去曼谷食唔到椰子千層蛋糕，今次一於響香港食！椰子是爆滿地塞進千層蛋糕的，2人share就剛好了，清甜的椰肉配香滑的cream, 迅速為口腔內尚餘的辣味降溫，換來滿口椰香〜
2. 另一款甜品是芒果芭菲，味道是清淡的，頂層是椰子雪葩，仲有塊椰肉添〜 中層有芒果、椰汁，底層是較硬身的白糯米
3. 野莓千層跟椰子一樣啦, 見到朋友食得很開懷
4. 香蕉榛子芝士蛋糕, 香蕉多是配朱古力, 今次併榛子, 都幾新穎, 但整體感覺有點滯哩~
![Greyhound Cafe特式檸茶 - 旺角的Greyhound Cafe)]( "Greyhound Cafe特式檸茶")
凍檸茶也是不容錯過的！泰國既檸茶都是用上青檸，為何港式的餐廳不能呢？而港式的，茶客若要求把黃檸換上青檸，得既〜 加錢囉〜 說回這杯令greyhound聞名的特式檸茶，冰粒是以茶製成的，那就不會越飲越淡啊〜 10個LIKE!!
============================================
感謝 JannisT 提供以上資料
JannisT的網誌: http://www.openrice.com/zh/gourmet/reviews.htm?userid=233167&city=hongkong
============================================
