3個大人一個小朋友, 叫左一個2人套餐加一個飯. 套餐內有湯、面、意枌、米pizza、飲品及甜品. 望落好似都算多野食, 但可惜....大部份都唔好食!
首先係淡而無味的湯和硬繃繃、凍冰冰的蒜蓉包
![戶井北海道米比薩的相片 - 沙田)]()
小食拼盤, 得薯角係叫做OK, 其餘的食得出係買返黎整熟佢.
![戶井北海道米比薩的相片 - 沙田)]()
菠菜雞肉意粉, 個汁同意粉係分離既...雖然佢已經煮到意粉變綠色...雞肉...有醃過, 唔會有大陣雪藏味
![戶井北海道米比薩的相片 - 沙田)]()
大蝦米pizza, 餅底用米來整的, 幾得意, 食落有D似飯焦. 建議一上枱就立即食, 否則凍左會硬及痴牙.
![戶井北海道米比薩的相片 - 沙田)]()
飲品係套餐內fix左既士多啤梨味飲品, 用test tube奉上, 感覺新鮮, 但飲落唔覺得特別好味, 而且二人份量既話, 每人兩條.....餐飯黎講算係好少囉
![戶井北海道米比薩的相片 - 沙田)]()
套餐跟既甜品.....全部都好甜! 燉蛋(左)、朱古力布甸(中)既質地好差, 係得右邊個杯軟雪糕水晶粉係好D, 但係軟雪糕溶得好快!
![戶井北海道米比薩的相片 - 沙田)]()
另外點了一杯北海道牛奶綠茶. 好明顯類飲品比以上食物優勝, 濃濃的綠茶味, 我才找回自己的味覺
![戶井北海道米比薩的相片 - 沙田)]()
仲叫左個咖喱豬排蛋包飯, 份量偏少! 豬扒很薄! 無咩味....唔知自己食緊咩, 但蛋煎得滑
![戶井北海道米比薩的相片 - 沙田)]()
題外話/補充資料
店內冷氣超凍, 我唔知係我地坐既位置對正冷氣位定咩原因, 基本上所有食物放上枱後, 迅速凍晒. 有要求侍應把冷氣較細或轉枱, 但侍應話係中央冷氣, 無得調校, 晚餐時段較多人用膳, 無其他空位....大人都凍都咁, 小朋友凍到流鼻水....>.<
============================================
感謝 JannisT 提供以上資料
JannisT的網誌: http://www.openrice.com/zh/gourmet/reviews.htm?userid=233167&city=hongkong
============================================
