Hotel ICON 既The Market推出了數款以榴槤為主要食材的甜品, 鍾意食榴槤既我, 一向對榴槤副產品有抗拒, 例如榴槤糕、榴槤糖, 真係好難食. 響雜誌見到介紹, 酒店話以榴槤為題, 都沒大興趣, 但食過後, 簡直令人再三回味呀!
開業以來, 我還是第一次去食buffet, 因聽說很難book位, 當晚所見, 又真係坐無虛席喎~ 環境唔多講, 主要focus既食物. 來! 一齊黎感受下榴槤既味道!
見到一款以帶子殼盛著的飛魚子+吞拿魚+黑魚子醬幾得意, 即刻拎返隻試. 不過無咩特別.
中間既智利帶子好鮮甜! 上面放滿青瓜絲及特製醬汁, 更能將帶子的鮮味帶出來. 唔好睇少個幾隻蝦, 又係超好味, 蝦夠鮮夠彈, 配埋個用黎蘸生蝦刺身的汁, 酸酸辣辣, 很過癮~
![The Market的相片 - 尖沙咀)]()
以往食parma ham都係夾哈蜜瓜食, 但呢款大廚推介parma ham配黑松露蜜糖汁, 原來係咁得意的. Parma ham 沾汁後入口仍保持著那份咸香~ 個蜜糖汁唔會太甜, 加入黑松露, 味道又是另一層次.
去到壽司部, 取了北海道鮮帶子及牡丹蝦. 帶子刺身的味道一向都不是很出, 但呢款就帶微甜, 而且很軟滑. 牡丹蝦腳的位置很多暗綠色蝦子, 我就唔食既, 純粹食蝦本身, 很鮮甜~
![帶子好肥美呀~ - 尖沙咀的The Market)]( "帶子好肥美呀~")
The Market既凍海鮮不算多, 只有蟹腳和龍蝦, 但都夠食. 蟹腳係好讚的, 肉質滑, 唔會起渣, 唔會太咸、太重海水味. 龍蝦都OK, 肉質夠實淨. 東風螺同青口就差D.
![長腳蟹必食 - 尖沙咀的The Market)]( "長腳蟹必食")
食到咁上下, 都要食返D蔬菜清一清先. 所以沙律部食材係非常新鮮, D菜唔會起黑邊, 咬落去全是鮮甜的. Dressing方面都有好幾種, 例如honey mustard, balsamic, Caesar, lemon and vinegar. 我呢碟就拌了蜜糖芥苿及檸檬醋. 長條形白色的是合桃芝士, 我特別響芝士部切小片放落黎, 軟身芝士好味道!
![新鮮蔬菜 - 尖沙咀的The Market)]( "新鮮蔬菜")
唔知幾時開始, 去酒店食buffet都會試下盅湯, 呢款椰汁雞湯夠味, 唔會太油. 新鮮出爐豬頸肉, 烤得剛好, 不會太乾身; 麥皮蝦是新加坡出名的菜式, 呢款哩, 造得不夠惹味, 但一值無妨; 鵝肝…望落好削, 食落好正, 唔會有勁羶味或食到成咀油淋淋.
最後食碗咖喱喇沙! 湯底味濃些會好味些. 小碗份量適合想試味的朋友.
![The Market的相片 - 尖沙咀)]()
頂唔順啦, 要食甜品啦! 再食落去我就食唔到甜品啦~
馬來西亞D24榴槤雪糕, 10分為滿分既話, 我會比11分! 由食第一啖開始到我食完, 我不停講: 好好食, 真係好好味. 普通雪糕一拎埋位5分鐘內點都會溶, 但榴槤雪糕既質感就好似將成舊榴槤放入冰格再拎出黎食一樣, 雪糕內啖啖軟滑creamy 榴槤肉, 我又要再講多次: 好好味!
另外兩款係就比雪糕淡味少少, 對榴槤無好感或初嚐者可試試, 好易入口.
![雪糕- 10個讚 - 尖沙咀的The Market)]( "雪糕- 10個讚")
最鍾意甜品細細件, 咁樣個胃夠位容納多幾款甜品. 綠茶朱古力蛋糕、芝士朱古力布朗尼、芒果芝士蛋糕、茉茶朱古力蛋糕. 低脂士多啤梨蛋糕, 用olive oil整既~ 味道偏淡.
![The Market的相片 - 尖沙咀)]()
4款以蛋殼盛著的奶凍 – 綠茶夠澀、bailey 夠酒香、芒果夠甜、朱古力夠濃. 最後試埋個乳酪, 質地偏水狀, 若果creamy些會好D.
![The Market的相片 - 尖沙咀)]()
題外話/補充資料
酒店係提供movenpick 雪糕架, 可惜已經好飽食唔落,
種類算多, 當晚見到但無食到既有蟹粥、羊架、避風糖炒蟹、海南雞飯, 真係好想食呀
============================================
感謝 JannisT 提供以上資料
JannisT的網誌: http://www.openrice.com/zh/gourmet/reviews.htm?userid=233167&city=hongkong
============================================
