食物除咗好食之外，賣相同樣非常重要，尤其想要喺云云食肆當中，要突出自己真係要多花一點心思。經朋友介紹之下，今次來到了九龍城的「牛精皇」，對我來說地點不算方便，由中環坐101到九龍城，基於塞車的關係也需要一小時了，而餐廳離車站亦比較遠，加加埋埋也要花個半小時才到達。來到門前，招牌還真霸氣呢，大大個牛頭突了出來，絕對是方便易認



店內環境不大，好像有上下兩層，用了梳化型的椅子，雖然環境較窄，但尚算舒服

看看餐牌，共有15款湯底，最具特色的必定是招牌牛精鍋，當中包括了：牛肚、牛肺、牛尾、牛腩、牛孖筋及牛筋。超多配料呢！另外還有蕃茄牛尾湯、海底椰豬肺、松茸豬肚雞及冬蔭公湯等特色湯底

2人套餐有兩款，分別是$328的優惠套餐及$528的精選套餐。一看之下，高下立見，明顯精選套餐比前者吸引多了～除了特色牛肉外，還有各款手打丸、海鮮及餃類～就選這個吧～可多試幾款食品～

當然還可以散叫，有牛精皇、海鮮、刺身、丸餃類、蔬菜、豬肉及麵食類

飲品方面，有18款選擇，當中有啤酒、汽水及涼茶。記得記得！即場like佢地facebook可以免費送野飲！兩個人都節省到$30蚊㗎啦！！

落單後，店員再取出一個木?字，有生蒜、炸蒜、青蔥、芫茜及麻油，供我們自行加到豉油內