上個月經朋友介紹去了位於銅鑼灣的BBQ7080食飯後, 覺得不錯. 得知天后清風街也有分店, 又近我公司, 便相約好友前去.店員先奉上前菜, 有大豆芽菜, 酸蘿蔔, 泡菜等.

每個人另有醬汁, 洋蒽和冷豆腐.

由於這次得兩個人, 但又想試多些不同款式, 所以點了, 可以一次過試齊LA牛排骨, 特級雪花牛肉, 牛脷和牛肋骨肉.另外, 我地也點了烤大八爪魚串.首先上枱是烤大八爪魚串, 一共有四串.

八爪魚幾粗身, 由於燒烤好少食, 初時我地是一串串咁燒, 但不知幾時先熟, 我地就問店員, 佢幫我地, 才知道拆開晒, 在燒烤板上不停炒.



八爪魚夠粗身, 有咬感, 完全不覺得硬, 因已塗上醬料, 夠惹味.

再來是烤什錦牛肉.

枱上的生菜是用來包肉食, 但我自己鍾意就咁食肉.

牛脷幾薄身, 容易燒熟, 就咁食對我來講較淡, 這個牛脷可以點醬汁.

特級雪花牛肉色澤帶粉紅, 雪花分怖算平均.

牛肋骨肉相對雪花牛肉口感多一點, 可以點加有鹽的醬汁一齊食, 更能帶出牛的鮮味.

我自己覺得LA牛排骨是這三款牛中, 牛味最濃, 而且已有調味, 所以不用再點醬汁, 肉質又夠嫩滑.

我本身不是太食得辣, 所以對於韓國食品, 我自己較鍾情人蔘雞湯, 所以點了.這個湯好豐富, 除了有全隻雞外, 仲有兩隻鮑魚, 份量都幾大.

愛飲湯的我, 第一時間試個湯, 湯的味道不算濃, 帶有淡淡的雞味, 人蔘味再多一點更好.雞肉夠嫩滑, 而鮑魚也鮮味, 這款湯對於不食辣的朋友可以一試.

最後, 仲有糖俾客人食, 清一清個喉嚨.

============================================

感謝 sky_0721 提供以上資料

sky_0721的網誌: http://www.openrice.com/zh/gourmet/reviews.htm?userid=504491&city=hongkong

============================================