今日同女朋友行完time square睇完怪獸大學
鐘意綠茶既女朋友一直有間鋪好想去食
就係佐敦既呢間宏
所以就專誠搭車過來食
一坐低睇menu發覺原來都好貴
但女朋友都係好想試下
所以就叫左個$78既抹茶芭菲
同埋個$99既套餐一齊食
套餐包括溫泉蛋烏冬、抹茶蛋卷、蘋果紅茶
![溫泉蛋烏冬 - 佐敦的宏)]( "溫泉蛋烏冬")
個烏冬其實得好少好細碗
不過都算唔錯
烏冬口感幾好
個溫泉蛋都好好食
足以為淡味既烏冬帶來味道
杯蘋果紅茶都好香
不過同樣都係好細杯
食烏冬既時候發現佢另外有一筒野
本身唔知係咩來
研究左一輪亂咁打開佢
先發現原來係七味粉
但比我搞到倒到成枱都係
所以大家開個陣都要小心d
![抹茶蛋卷 - 佐敦的宏)]( "抹茶蛋卷")
食完就叫佢上甜品
個抹茶蛋卷睇落好普通
食落先發覺綠茶味都好濃
濃得來好好食!
好清新既感覺
一D都唔覺得肥
![抹茶芭菲 - 佐敦的宏)]( "抹茶芭菲")
之後就來個芭菲
咁貴既芭菲究竟係咪真係咁好食呢
一食先發覺真係好好食
綠茶雪糕配埋類似麻糬既野真係好正
女朋友食完好食到講唔到野
因為冰凍既雪糕球加落麻糬令到口感好特別
好似綠茶味溶左入麻糬咁
不過食晒個雪糕球再食中層既就無左咁好味
不過由於個杯太窄太高，雪糕好易溶出來
都被迫要食快d
所以如果換過第2個容器就好
之後底層就係粟米片
粟米片本身有甜味所以底層都算好食
整體來講雖然係好貴
但真係好好食
特別係對於鐘意食既女朋友來講
所以我地食完呢餐都話要自己試下整來食!
============================================
感謝 sinmanyeung 提供以上資料
sinmanyeung的網誌: http://www.openrice.com/zh/gourmet/reviews.htm?userid=582735&city=hongkong
============================================
