溜冰初體驗@MAGE ICE

10 AUGUST 2015(MON)

，就係帶佢去玩溜冰啦~

其實每次我地去MEGA BOX玩時，小小豬都一定會上去睇MEGA ICE睇啲小朋友溜冰，所以成日都好想帶小小豬入場親驗一下。咁就趁今日小小豬生日，大個仔去試下玩啦！

其實唔好話小小豬，我都係第一次去溜冰，完全唔識啦，所以我心情都有啲緊張，係未換鞋前要去進修一下先~

拎左鞋仔就開始換啦~

著好晒就等DADDY教下點企定定先~

小小豬學識左企定定同行幾步之後，佢地就出發去玩啦(係...只係得佢地去玩，因為我換左鞋之後，真係唔識行又企唔到，最後都唔敢落場。揀返對鞋後，我都係企係場外，睇佢地兩父子開心啦~

話晒都係第一次，我開頭仲估小小豬會驚，但原來我過份擔心。

依隻懶玩一入到溜冰場都不知幾興奮，沿住個場邊慢慢行左一轉先~

之後佢地兩父子就係冰場上慢慢行~

慢慢扶住行一陣之後，小小豬都叫做可以自己行.....一段小路咁啦~

當然第一次玩都真係唔可以話識，小小豬行兩步就趺一步咁，其實我係場外睇都有少少驚。不過，另一方面見佢地兩父子玩得咁開心，唔多唔少都有啲羨慕(唉....邊個叫我自己唔識玩又唔夠膽落場呢)~

可能係第一次玩，小小豬又好似唔多識用力，攪到不停話對腳好攰，所以玩左大半個鐘左右，我地就離開啦！

眼見小小豬由唔識溜，到可以係冰上企定定，再唔怕趺咁行兩步趺一步咁，其實佢嘅表現真係比我預期中好好，起碼佢俾我仲有依個嘗試嘅膽量嘛。