15 Oct 2010 補祝 ♥ 5th Anniversary
每年既今日都會好重視
唔知點解呢？生日我都唔會太在意
拍拖紀念日我就會早早就去準備
買咩禮物 去邊食飯 有咩特別野做等
因為係每年今日都見證住我地經歷好多風風雨雨而又過一年既日子
哈哈哈 特別開心既 (日子呢D野 ....女生特別在意既...)
今年有D唔同就係B仔正日有野搞 唔係香港
所以要改到星期五
心唸：都係遲兩日姐！ 事實：其實好唔開心架
有得補返就算數啦～
今日放假做完Facial就去買禮物
每次都唔使唸特別野
買衫就最岩 B仔既衫全部都係我買既
因為佢唔追求任何物質上既野
十分之易滿足
今次有特別禮物就係親手織既「超級無敵仙蒂溫暖牌頸巾」
真係比任何野都溫暖呀～哈哈
其實我係個完全唔識家政既女仔 (除左煮野)
呢ｄ補衫、織頸巾、車衫 我完全唔掂架！
點解今次有如大海既決心
全因為兩個女人
一個係：我媽媽 另一個係：Hanky媽
話說B仔一直都話想我織條俾佢
我話你唸下好喇！
我完全唔識架～咪再唸喇傻佬
唸唸下不如俾佢驚喜佢啦～哈哈
就係咁叫左Hanky媽帶我去買[冷]
買左之後就走上一條不歸路
因為好難 我已經係用最低Ｂ既兩低一高／兩高一低
難係在於時間
到最後我阿媽見我成日織錯
忍唔住要落手 叫我行開睇佢織
我仲唔賺左～ 織少左
只係用左十日左右 又有呢兩個女人幫我
真係多謝哂
咁就：「得左」
回到１０月３日：睇下我幾努力
HEE HEE 我都收到份小小驚喜禮物
開心到見牙唔見眼
分享完禮物就到晚飯喇～
兩年前係日本食過好好食既和牛
好回味呀～
上網搵到間好評既餐廳 － 和宴位於廣東道糖朝樓上
環境舒適 好他他米feel 唔俾人著鞋既
如果有腳臭點算？？
幸好我地都無呢個問題～
侍應姐姐都好nice
厚切牛舌 － 口感, 要耐心一d燒先熟
特選日本和牛拼盤
A5 西冷
我同B仔都好滿意呢餐
去唔到日本 係香港滿足下都好開心
但太油既關係 我叫左個青瓜
點埋個檸檬汁先食 真係一解肥膩
B仔好努力咁燒 控制火口呢d野我都係唔太懂
我只係識食 哈哈哈
西柚雪芭 - 好好味呀！酸酸甜甜又夠滑
侍應姐姐幫我地影架～ 唔該哂
先生：你仲咩望我
８點後既廣東道 已經人煙稀少
食飽飽就返屋企
真係好開心呀！
因為呢五年都有你係度陪住我
每當我開心、傷心、煩惱、生病、瘋狂、失控都有你陪我
有你已經好滿足喇
I LOVE U , B仔
