台灣遊記寫埋呢篇卒之寫完
由暑假頭寫到暑假尾...
行程 LAST 一日我地由新竹要揸返車去台中機場,
行程並不多, 問左大家意見都話太熱唔想室外活動
酒店提供埋早餐, 大家都可以施施然踢拖落去食埋o野先執行李
今日天氣好好多啦, 可以影下酒店周圍環境
我地住香榭館, 但早餐在旁邊的麗池館
餐廳都幾full, 我地要去 basement 果層食
食物種類算多, 但唔係全部啱口味
食完早餐我地有任務, 就係去FAMILY MART 換 TSUM TSUM 精品!!
"台灣全家 Family Mart 推出了「Tsum Tsum扭蛋錢罌」點數活動，只要在Family Mart 單筆消費滿台幣69元 (約港幣 $17) 獲 1 點，滿 3 點 (共港幣約 $85) 後再加 89 元台幣可換購一個，或儲滿 60 點免費兌換一個，不過是隨機抽樣的。"
小齊都識玩TSUM TSUM 咖, 佢都話好想換禮物
(photo source from Family Mart facebook)
D 扭蛋真係好得意!!
可惜我地o黎到時只剩陳列...冇得換...斷晒貨...
唯有只係同陳列品影張相... 殘念...
其實又唔駛絕望住...因為扭蛋係"第一彈" , 由6月已經開始換, 所以我地換唔到...
但有"第二彈" 換雨遮, 雨褸, 杯...等等...都好吸引
而且最重要係由 "今日" (我地行程最尾呢日) 開始!!!
媽媽o係香港時已經知道呢個安排, 所以頭果幾日我地都好努力儲印花!!
我要換呢件ELSA 雨褸比小齊!!
但你又點估到當我地問係咪今日開始換購店員講咩??!!
佢話:"係, 尋晚12點已經o係門口排隊, 換晒啦~"
"下?!!"~ ~ ~ 咁搶手o既???
於是乎, 我地就一路上搵 FAMILY MART!!
佢地停埋車o係路邊, 我就衝入FAMILY MART~
一見就入去問仲有冇得換???!!! 而家諗返, 人地會唔會以為我想打劫?!
第2間都冇扭蛋...
但好好彩, 雨褸仲有貨呀!!!
仲要係 ELSA 雨褸呀...真好彩...即刻換左件小童版比小齊
但係遮就得返一款... 我覺得麻麻地,
其他款COLORFUL好多唯, 有再搵其他 FAMILY MART !!!
如是者為左儲印花都買左D 食物, 用品...有D都係TSUM TSUM
第4間FAMILY MART 換到怪獸公司遮
同杯
繼續行程... 條街33度....
DAISO 即 10蚊店...阿婆同阿姨都行左陣
呢邊 UNIQLO 同香港一樣都有 TSUM TSUM TEE 喎
o係廣場果邊有森林家族展覽
太可愛了~ 我地不嬲都喜歡森林家族咖!
巧遇有展覽,
o係度影下呢樣, 影下果樣...
仲有小遊戲同禮物...
行左陣我地食lunch 去左間叫翰林o既餐廳,
係比佢o既茶香吸引走入o黎
一場o黎到台灣要飲飲珍珠奶茶
其他食物麻麻, 但杯奶茶唔錯
食完o野又繼續玩, o黎到湯姆熊... 即台版 fing 錢樂園
之前o係蘭城晶英住果晚都有去湯姆熊,
但今次呢間d 遊戲貴d喎
仲好似難玩d
係 sanrio 主題咖, 好 cute!!
有時間都想打返場!! 不過我地趕住離開去機場啦~
最最後... 皇天不負有心人, o係去機場途中o既FAMILY MART
比我搵到MICKEY 同 FROZEN 遮!! 行左 6間 FAMILY MART 先買到!!
o係機場再 pack o野前o黎個晒冷!!
hehe...仲即席試著
而家每逢落雨都可以 ELSA 上身啦~
呢把遮詢問度好高咖... 行街時好多女仔都投o黎艷羨目光, FROZEN 真係魅力沒法擋呢!
是日靚衫:
今次親子旅遊小確幸台灣 TRIP 順利寫完! 多謝收看!
親子旅遊小確幸台灣 TRIP 其他文章:
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
