無論係返學上lecture又好，返工坐office又好
啲冷氣通常都好勁，抽乾哂我地皮膚既水分!
點先可以喺咁乾既環境下保濕?
等小編同大家分享下自己既保濕小方法啦~
1.放杯水喺枱面
為左令皮膚唔會太乾
小編每日都會擺杯水喺枱面~ (附上小編最愛的蛋黃哥水杯)
咁可以提升周圍空氣既濕度
皮膚都冇咁乾啦!
2. 卸妝後搽保濕產品
呢個係比較optional既!
如果小編發現自己d皮膚乾到不得了 (而呢個情況通常都喺捱夜後發生..)
咁就會攞卸妝水卸走底妝，搽返保濕產品，例如日霜
3. 用保濕噴霧
如果皮膚唔係乾到裂，
但又feel到有少少乾既話
小編就會用保濕噴霧黎補水
雖然噴保濕噴霧唔洗成個妝落哂，
但其實噴落塊面之後，個妝都甩得七七八八~ (又要補妝!)
我通常用廣源良菜瓜水既，今日新試用左圖中既蘆薈水~
試用多一排，遲啲同sis講下好唔好用!
但係sis要記得，噴完保濕噴霧係唔可以唔理佢架
一定要用手拍打至完全吸收，又或者隔幾秒用紙巾印乾水分
如果唔係就會令水分蒸發時帶走埋皮膚本身既水分，就會愈來愈乾架啦
各位sis有咩辨公室保濕小技巧，記住話比小編聽!
