承蒙 ON JOHN 兄不棄, 續賜我舊相數幀, 遂繼續以"猶記當年春衫薄 "為網誌標題發表, 圖片註釋主要出自 ON JOHN兄之手筆
昔日老爸服務於一間老香港嘅英國人開嘅印刷公司,人工就認真麻麻,但係"福利"算有啲,禮拜日休息,(係1945年後算少有),每年會有一兩次俾"工會"攪吓"旅行(其實應叫做遠足),公司包晒所有開支!
前三張係1950年去新界大埔林村,離公路有距離,要行幾遠路,其中一張係途中遇客家村民送嫁,圖中左手面揸住把遮嘅係"大衿姐,後面人擔嘅係餅食茶果等,有啲打佬沿途啲啲大大,跟住係花轎!
![]()
林村遠足合照
![]()
兒時跟父親遠足 2
![]()
兒時跟父親遠足 1
呢三張有兩張係大嶼山梧園係1968年(或者係69年),嘅環境,當時景色甚美,且有梅花鹿,有水有魚,年青人PT勝地也,如今聽講已殘破不堪,甚為唏噓也!
![]()
大嶼山梧園留影 2
![]()
大嶼山梧園留影 1
其後五張係遊元朗南生圍留念相,又係1965,1966年間,當時南生圍尚未"認真"污染",樹木瀟灑與漁塘瀲豔,郊遊好去處耶!
![]()
旅行舊照. 建築物系香江著名腐竹廠，去南生圍必經之路其一也，相信該廠尚在
![]()
南生圍留影 4
![]()
南生圍留影 3. 西環友註: 設若當日道左相逢, 瞥見各人口叨煙仔, 目登黑超, 斜眼睥視, 前面那位仁兄更貌似大傻(成奎安) 般凶神惡煞, 相信小弟會”走夾唔透 ” (說笑而已，請勿見怪)矣
![]()
南生圍留影 2
![]()
南生圍留影 1
============================================
感謝 西環的黃金歲月 提供以上資料
西環的黃金歲月的網誌: http://oceandeeop3000.blogspot.hk/
============================================
