學車記 (6)

第三堂: 26/8/2015 (晚)

第一次上夜晚呀!! 都有擔心過是否與白天揸車很不同... 但事實又不是喎~~ 可能我今次是學技巧, 不是在街上走啦~~

今堂學車技巧名叫 "4-6", 可解呢? 先講講要我做什麼:

首先, 要在一條斜路上揸車, 而上斜和落斜都要維持在 5KM, 不能多過6KM, 亦不能少過4KM; 然後要控制到駕車距離路膊或中間白線 1尺, 不能多亦不能少。

學習重點: 定速, 控制軚盤, 轉彎(因為要去到斜路盡頭時要 U turn, 而這條路上亦有頗多轉彎位), 預位

* 第一部份: 要做到上述的要求

* 第二部份: 除了上述要求外,  還要在每支街燈位停一次車

* 第三部份: 繼續上述要求, 但師傅會在安全情況下扭開駕車, 然後要我扭返去離路膊/白線 1 尺

在這三部份之間, 上完斜轉去落斜時, 要做一個U turn 動作... 但當然, 我做得不好啦~ 唉...

1. 今堂的問題:

* 不能好好控制軚盤, 尤其是轉彎位, 不懂何時轉軚/ 回軚, 應轉幾多/回幾多

* 轉U turn 時, 由於是在斜路上面, 我又不敢踏太多油, 但一放brake 時, 又去到 0, 轉軚都唔郁... 都不知要不要比油? (及後, 我發現都要比少少油駕車郁, 然後先轉軚, 但只可以輕掂一下比幾公里的油, 然後都是放brake 位, 無理由唔比油, 轉到軚都唔郁, 無用啦~)

* 預不到位, 試了幾次, 都是不太懂看位, 怎為之一尺呢? 查實, 我對一尺有幾多都不是好知囉~ 當師傅話: 現在是一尺... 但行多一陣, 又鬧我"你去左邊? 有無睇係咪一尺?" 時, 我又真是覺得好無助, 我已預了位, 我覺得是一尺啊... 為何還說不是呢? (這刻, 我好懷疑師傅的一尺與我所想的一尺是很不同呢? 畢竟大家都是只憑肉眼去判斷那一尺, 沒有真的拿尺去度嘛!)

* 行不到路的中間位

2. 已改善的地方:

* 定速總算有進步, 是落斜就差少少~

3. 不是揸車問題:

* 師傅仍然是有時不記得自己說過什麼... 結果, 就是被他鬧囉~

* 師傅常說: "點解人地咁用心教你, 你唔聽人講呢? 你有無用心去聽?" 但我真是有跟做喎~ 有用心聽呀~~ 只是聽/明/做是幾回事嘛!! 聽得到, 做唔切... 無法架~~ 唯有練多幾次囉... 唔係可以點啫? (不過, 我沒有在這個位上駁咀呀!! 駁黎都無用~~ 留返啖氣暖肚好過~)

* 真心覺得與師傅有溝通上的問題, 當他說在第二部份時, 在燈位要停, 我以為是屋苑外圍的燈啦 (那個屋苑外圍是有很多燈圍邊的), 點知... 原來師傅說的是"街燈"囉!! 當然就做錯晒啦~ 

~~~~~~~~~~~~~~~~~~~~~

是否個個師傅都鐘意鬧學生呢? 其實, 鬧可以接受, 只要不帶粗口及侮辱性字眼就可以... 這陣子, 又是得閒時, 去了討論區與別人傾學車的事... 現在入了他們的gp, 都聽到好多不同人的問題/想法等... 這些交流都不錯啊... 大家面對的問題又差不多, 又分享下上堂時被人鬧的事... 可以減下壓既~~

昨晚上堂後, 下一堂就要到下星期了... 因為師傅無期... 而下週就去考筆試喇~~ 應該下次上堂時就知幾時考路試... 我估計應該在12月尾就考...  

============================================

感謝 旅行小粉絲 提供以上資料

旅行小粉絲的網誌: http://vleung0_0.mysinablog.com/

============================================