大家期待已久既文, 終於有時間出了,
要大家久等真係唔好意思. 因為最近都比較忙,
冇時間出文, 請大家見量啊!!
今次就係介紹一下而家我做Gel甲果間店.
有做開Gel甲的blog友一定都知道出面做一次Gel甲
真係閒閒地要幾百蚊落樓. 因為貼石, 畫花,
鵰花真係逐樣同你計. 只做淨色或者做法式都要百幾二百蚊.
好似我呢d鐘意d卡娃兒花巧野既. 真係每次整都要就住個荷包.
見到d日本美甲書上面d指甲咁靚, 得個"恨"字....
整到咁一定好貴. 同埋要坐好耐, 記得上一篇Gel甲文講過,
我坐左4個鐘嗎?! 真係好怕.
有次無意係網上search下Gel甲既blog,
就俾我發現到呢間美甲店
Nail Circus 美甲工作坊
上面寫明$300任貼石, 任畫花, 任鵰花. 價錢的確令人好心動呢!!
一於去試試.
![]()
膽粗粗, 我就撰呢款小熊啦. 好似好花巧,
怕美甲師要鵰好多野. 但我又真係好想試下隻手有咁可愛既Gel甲.
最尾決定做呢個甲了. 真係講都唔信. 美甲師非常之利害.
唔洗一陣間, 十隻手指已經鵰好哂, 真係好勁!!!
成套甲只需要2個鐘多少少!!!
![]()
底色我撰左有珍珠粉紅. 不過其實好多野係甲面上面,
顏色都唔係太起眼. 因為我指甲短既關係,
唔夠位整哂圖入面既鵰花, 但冇計啦, 我平時要打字,
同埋太長真係好唔方便呢!!
![]()
有留意小熊變左杏色嗎? 圖入面既係深粉紅色,
但美甲師話如果粉紅底色再做粉紅色小熊既話,
小熊就會唔起眼了, 所以我轉左做杏色. 但小熊食然可愛 ^^"
![]()
![]()
第一次做咁靚咁花巧既日系Gel甲.
如果唔係要求太高既話. $300的確係超抵玩.
佢仲可以keep到一個月有多, 唔會反甲.
之前做果間, 2星期未夠就反甲了.
周不時斷甲斷到流哂血, 痛到入心入肺.
但呢間未試過囉. 最緊要平, 快, 靚.....
連我d男朋友們個個都話靚, 仲捉住我隻手係咁睇呢! 哈哈哈!!
呢間美甲店仲有儲印花計劃, 儲夠唔知幾多個印,
就可以下次當現金用, 都幾好啊!! 不過要提一提係,
$300係唔包貼swarovski, 鵰卡通人物每個$50......etc...
但基本都係$300就可以落樓了.
唔知大家鐘唔鐘意我呢套小熊Gel甲呢?!
我自己就好喜歡了. 又平又唔翻甲, 我諗我都會keep住去呢度整...^^"
![]()
我的Wardrobe Diary都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
我的Blogspot
http://misshbabydoll.blogspot.hk/
我的Tickalook
http://www.tickalook.com/member/profile/11496/babydoll-vip
我的微博
http://weibo.com/misshxlizlisa我的DIY手作專頁 - Babydoll Handmade
http://www.facebook.com/BabydollHandmade我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
![]()
============================================
感謝 MissH 提供以上資料
MissH的網誌: http://misshbabydoll.blogspot.hk/
============================================
