![]()
![]()
大家覺得呢兩件衫有d咩唔同, 又或者有乜野相同呢?
唉~~~ 兩件顏色一樣, 花紋都係一樣, 係個款唔同, 一件係連身裙, 一件係上衣.
白痴既我竟然會買左呢兩件. 返到屋企睇下, 先發覺, 點解個花一樣既?!?!?!
原來係同一系. 點解我試身果陣睇唔到呢樣野?!
我係度爭扎緊拎唔拎返去換第二隻顏色. 琴晚經開TST就諗住搏下睇下換唔換到啦.
去到都差唔多成十點. 果陣得一位店員. 我睇左一陣野, 就同店員講左我個case.
佢就問我幾時買, 我話上星期五, 佢就話應該3日內要拎去換.
其實好多度都係可以7-14日內拎去換, 唔明點解會係3日, 定係liz lisa既係得3日呢?!?!
佢問我有冇單, 我話有, 衫同單都帶哂去. 佢再問係咪$2000-$400黎既? 我話係,
佢話減$400就冇得換, 我話但係佢係正價黎架喎!
佢就話總之公司規定減左價既就係冇得換, 除非車工果d有問題先可以換.
唉~~ 講到尾都係冇得換俾我!!! 果一刻我係好唔開心.
但又唔可以怪人地唔肯換俾我, 鬼叫自己買同試果陣都唔睇清楚咩~!!!!
(係我根本留意唔到個花紋同顏色) 好唔開心. 兩隻色一樣, 花紋一樣!!! 唉!!!!
當買個教訓, 下次真係要睇清楚, 特別係大減價時候人多, 最易奶野. 唉!!!
所以我決定罷買佢喇, 唔開心!!! 換顏色都唔俾, 又唔係換第二個款. 唉~~!!!
仲有, 之前又話每間sogo限量30個福袋. 其實係冇人買, 定係根本唔止30個呢?!?!
琴日仲見到好多係度囉~ 我覺得係根本唔止30個.....
之前d人係咁搶果d $100化妝袋咪仲有係度!!!
![]()
我的Wardrobe Diary都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
我的Blogspot
http://misshbabydoll.blogspot.hk/
我的Tickalook
http://www.tickalook.com/member/profile/11496/babydoll-vip
我的微博
http://weibo.com/misshxlizlisa我的DIY手作專頁 - Babydoll Handmade
http://www.facebook.com/BabydollHandmade我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
![]()
============================================
感謝 MissH 提供以上資料
MissH的網誌: http://misshbabydoll.blogspot.hk/
============================================
