琴晚公司annual dinner. 係尖沙咀. 放早5點半走人. 我一早plan左去TST行下先.
有同事問我會去邊諗住叫我一齊去, 我話唔去啦, 我鐘意一個人行街.
話時話我真係好鐘意一個人去行街, 去邊都得. 買乜都得, 唔洗側邊有人多多意見,
最尾搞到乜都買唔成. 突如其來放工前收到一個客, 每人派1千蚊利是, 搞到我勁身痕囉.
哈哈哈!! 放工就拿拿聲去左TST LIZ LISA.
我第一條試既係呢條lace褲, 呢條褲我見到有好多blog友都有買啊! 又真係抵, $390.
舊年我都有試呢種lace短褲, 但係太肥著唔到, 又或者個pat pat大上加大. 但呢條又著到. 哈哈!
但我覺得就咁著好似薄過頭, 要黎做打底就岩. 上次買果條裙咁短, 要黎打底一流. 嘿嘿.
我試左白色同粉紅色. 好似粉紅色著得我瘦d呢.....
![]()
之後見到佢show出黎掛左呢件衫. 但初初冇諗過買呢d款, 因為覺得自己著一定會勁肥.
但見佢掛出黎, 越睇越靚, 有白, 粉紅, 粉藍. 諗起結以都有著過呢件, 之後試下啦.
又係粉藍一早俾我out左, 諗緊白色定粉紅色好, 岩岩先買左白色, 但隻粉紅又好瘀色.
都係白色好睇d... 最尾拎左白色入去試. 出奇地著起上黎唔似大肚喎!! 呢件真係好靚.
但覺得結以著得靚好多. 可能我得條打底短褲, 拉底左件衫影.
不過我諗如果我著呢件衫既話要set返個頭先, 唔係會好娘. 哈哈哈哈!!!
![]()
![]()
買完果陣, 俾$$$, 個店員既聲線好sweet咁話找返$$俾我. 我真係好耐冇聽過咁sweet既聲音.
記得呢隻聲線係舊年cwb sogo初初開有個店員, 我覺得佢有少少似久美子.
佢又係咁既聲音既, 不過琴日個店員一定唔係之前果個啦, 之前果個都唔知去左邊lu~
真係好希望多d咁sweet既店員. 琴日買完好開心. 哈哈.
之後行去海港城....再行去facess, 其實我係想試anna sui隻新香水, 個店員都好好人.
結果買左呢set, 一支香水都$360, 呢隻有埋眼影同眼部捨妝. 都係$470, 感覺上好似抵d. 嘿嘿.
咁就買左, 呢隻香水又幾好聞, 幾清. 有一隻又係結他型. 不過深色d. 我都有試果隻,
陣味好怪. 店員話係rock味重d喎. 哈哈哈!!
![]()
之後行過d jill stuart, 我係度睇冇人理囉. 3,4個店員一齊傾計笑到哈哈聲,
但有好多人走去睇, 但冇人理囉, 唉....即走.... =.=
其實好多人都怕d店員係咁死纏難打, 我就怕入到去冇人理, 其實我都好怕店員死纏難打,
跟到實, 係咁sell你果d. 不過, 我覺得, 有客人入黎睇野, 至少同客人講一聲隨便睇,
起碼俾客人知道, 你地知道有客人存在緊, 唔係你有你化妝傾計講笑唔理人架嘛.
唔通見到d店員化緊妝圍埋一齊傾緊計仲走埋去問, "唔該....我想......." 咁咩.... 我就唔會喇,
見到咁樣我會走人啦... 都唔係做生意咁..
![]()
我的Wardrobe Diary都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
我的Blogspot
http://misshbabydoll.blogspot.hk/
我的Tickalook
http://www.tickalook.com/member/profile/11496/babydoll-vip
我的微博
http://weibo.com/misshxlizlisa我的DIY手作專頁 - Babydoll Handmade
http://www.facebook.com/BabydollHandmade我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
![]()
============================================
感謝 MissH 提供以上資料
MissH的網誌: http://misshbabydoll.blogspot.hk/
============================================
