有個麻煩上司真係好麻煩, 呢個人就係之前成日話我衣著, 咩唔端莊個女魔頭囉!!
佢自己條短裙前面個叉咪又係開到勁高!! 坐佢對面果個真係慘...呵呵..
今日星期六返半日, 佢都要搞D野出黎... 話說早兩日有人送左3個果籃,
一個係俾老闆, 一個係俾女魔頭, 一個係俾一個男同事. 咁入面有盒月餅,
女魔頭叫一位大左肚既女同事幫佢放入雪櫃. (心諗人地大肚, 你自己放都得架咋, 正廢人)
點知今日女魔頭叫呢位大左肚既女同事囉返盒月餅出黎俾佢, 大肚女同事去雪櫃見到,
唔見左盒月餅. 就同佢講唔見左. 點知女魔頭竟然怪責呢位女同事. 話盒月餅諗住送俾人喎!
仲叫呢位大肚女同事 "自己諗掂佢" 真係痴線. 嚇到呢位女同事死死下,
係咁周圍問人有冇見過盒月餅.
晏少少佢出左展覽. 12點半左右打返黎搵同事Y小姐. 咁岩Y小姐去左廁所. 咁就我聽啦....
點知....無神神俾人鬧左幾野囉, 我都唔知發生乜事.
女魔頭: "喂Y小姐呀?"我: "佢行開左喎" (果陣我冇話佢知人地去左廁所)女魔頭: "你叫佢聽啦"我: "佢係去左廁所呀, 我叫佢一陣打返俾你丫"女魔頭: "有冇搞錯呀, 你地成日都去廁所, 快D啦!!!" (佢既聲係好抆好惡)我: "佢真係岩岩行開左, 我叫佢一陣返黎即刻打俾你啦"女魔頭: "唉呀你地真係丫, 快D啦唔該你"
就係咁我無啦啦食左幾野. 之後Y小姐返黎我話佢知女魔頭搵過佢, 仲講左D咁既野.
Y小姐話, "唉呀又係咁喇, 我坐係度半日都唔搵, 一行開就有電話次次都係咁,
佢仲要咁樣話你有冇搞錯呀" 之後Y小姐就即刻打俾女魔頭, 點知係咁俾女魔頭鬧,
話佢好成日去廁所, 又入廁所化妝. 又話好唔滿意Y小姐既工作表現,
老闆都好唔滿意D同事成日冇野做, 而家計劃緊要炒人, 你再係咁你都留唔到係度.
女魔頭成日一乜就話要炒呢個炒果個, 但係到而家都冇炒, 上星期六佢都有話要炒我.
佢無神神問D無厘頭既野, 我唔知點答佢, 我就問返大陸D同事, 之後覆返佢, 又俾佢鬧,
咩唔增值自己. 又話而家要撰人炒. 唉.... 以我所知增值自己就係每日著靚衫同扮靚囉.
哈哈哈!! 至於佢話炒人. 記得舊年12月頭, 佢迫我地放09年既假. 我話唔放咁多日得唔得.
佢就叫我可以唔洗放都得, 叫我俾辭職信佢, 佢會等我一個月喎!
咁即係一定要放咁多日啦, 到新年又強迫扣假黎放多幾日.
今年未到半年我已經10日大假冇哂lu!!!
anyway我今日放工去左尖沙咀睇衫開心下. pinky girls冇岩, 摸上手同liz lisa既料差好遠,
係就係平, 但覺得佢既質地同出口店差唔多...冇心機睇, 行左個圈走左.
之後去h&m, 跟住就去liz lisa喇. 店長係度, 佢已經主動同我傾計,
佢唔叫我我都唔知佢係度果隻...哈!! 發覺尖沙咀d貨真係去得慢過銅鑼灣.
因為我見到好多cwb賣哂既款, 佢呢度都仲有喎!!! 有條波點連外套一set $890
7折真係好抵但係冇新, 唔要喇, 因為店長同我講, 係佢第一件既制服, 咁即係佢著過啦....
咁唔洗諗, 唔買!! 嘿嘿!! 佢地仲介紹我去利時2樓做鞋, 話好抵好舒服喎!
佢地又話同公司傾過話出福袋.. @o@ 話如果有應該係元旦新年跟返日本喎!!
係真係有就好, 真係超抵. 仲有佢地出左本畫冊. 但係同特刊既相差唔多....
好似都係果幾張, 買滿1000蚊就有一本喎!!
v
![]()
我的Wardrobe Diary都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
我的Blogspot
http://misshbabydoll.blogspot.hk/
我的Tickalook
http://www.tickalook.com/member/profile/11496/babydoll-vip
我的微博
http://weibo.com/misshxlizlisa我的DIY手作專頁 - Babydoll Handmade
http://www.facebook.com/BabydollHandmade我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
![]()
============================================
感謝 MissH 提供以上資料
MissH的網誌: http://misshbabydoll.blogspot.hk/
============================================
