2015/八月/北海道向日葵之里

29.08.2015

好想寫左今次既重點行程 - 北竜向日葵之里 . (+81-164-34-2111)

要去依個地方 , 開車應該係最方便 . 喜歡路過小市集食下小食 , 影下相同伸展根骨.

青瓜一條 , 好新鮮 , 好健康 !

 

充滿靈氣既公園仔 . 遠睇以為有馬係到 , 好迫真 !

七月尾八月中係向日葵盛開既季節 , 黎北海道當然要睇花田 . 

推介北竜向日葵之里原因 , 免費入場兼夠大 .

 

 

依個花田近旭川 , 開車單程 2 個鐘 , 接近花田時 , 見到好多向日葵做型既野.

門口有告示板話你知個花田開左幾多成 .

依到有免費泊車同小市集 .

 

北竜向日葵之里係日本最大既向日葵花田 , 係到我地遇上日本攝製隊 .

有好多木架台比遊客上去影相 .

 

附近環境好靚好靚 , 只可惜今日天氣唔太好 .

有付費既向日葵迷宮 .

仲有得餵鴨仔 .

唔想行 , 仲可以租單車或坐觀光車 .

由於黎依到既交通唔方便 , 所以無咩外地遊客 . 係到見到花多過人 . 依到種左好多款向日葵 , 超過 100 萬株 , 好壯觀 !

 

 

 

 

好多向日葵仲大過我個頭同電話 .

 

行完一轉 , 又返左去市集休息下 .

似唔似卡通片見到既冰 ? 我專登買黎試食下 . 好涼快 !

市集有野食買 , 有向日葵產品買 , 仲有插花展 .

 

 

只可惜唔係全年開放 , 如果大家有機會夏天去北海道 , 遇唔上薰妄草都可以黎睇向日葵 !