每個人都有五個 '腦朋友'負責日常生活中既情緒，包括樂、愁驚、燥、憎，其中樂主導主角 Riley 既情緒，大概因為小朋友好似都應該 '快樂'。Riley 因為老豆工作需要突然搬家去，同時因為一次意外，阿樂同阿愁離開總部，迷失於 Riley 各記憶小島中, Riley 情緒得番驚燥同憎，由快樂女孩變成反叛女孩。最後當然樂同愁成功番到總部，Riley 恢愎正常，腦朋友們亦終於發現阿愁既存在價值。
電影於香港上影後一致好評，大概都係話套戲有深度，帶黎好多反思，睇到喊.... 平時好少去戲院睇動畫的，亦由於今年暑假檔期新戲唔多，結果亦罕有地入場睇左。同樣選擇 2D 中文配音版。
個人感覺：同意呢套係比大人睇既動畫，因為當中好多涉及 '回憶'，小朋友好難明。冇悶場，但未至於睇到喊。不得一讚配音出色，包括分別配林二汶同王菀之，以及配老豆阿媽既張國強同譚玉瑛～
PS: 番外篇：Riley's First Date，最後冰場對 Riley 一見鍾情既男仔去揾Riley, 今次主打老豆同阿媽既腦朋友反應～
============================================
感謝 dorstalk 提供以上資料
dorstalk的網誌: http://dorstalk.blogspot.hk/
============================================
