哥哥開學後。真係勁忙呀~
好多時想寫卜。但夜晚攪完佢地D野。
整好晒飯。已經累到灘響度~~~
琴日細細開左學了。送晒2個返學。終於有時間update下~
而家朝早8點半呔仔返左先。細細就返9點。
2間學校都好近。所以細細一定唔會遲到。哈！
有朋友問我送完仔忙咩。而家佢地放1點。
果幾個鐘可以去買送啦。自己食下早餐。洗衫褶衫等家務。
有時又同香港未訓既朋友吹陣水。12點幾又逐個接放學。
到佢地放學返黎。我食完lunch就整Tea比佢地。
有時帶佢地去公園或拉記。老公放工返黎前執屋(哈哈！)
咁試下又差不多洗碗。預備晚飯。
食完飯。佢地玩一陣又幫佢地沖涼。平日都係咁過架喇~
下年開始呔細就放3點。時間應該見使好多。
希望有時間出到書啦。哈！
講開。我都終於明白點解卜友們成日話我湊2件仲可以做到咁多野。
又寫卜又出書又整衫。我而家都覺得自己之前好勁！鼓掌先！！
不過無喇。以前暗完佢地訓可以起身做好多野。
而家老喇。哈！好多時都同佢地一齊訓埋 ZZzzzzZZZZ
希望大家體諒呢度update得慢D。好彩而家有Facebook同微博。
方便我地keep住聯絡 ^^
好喇。11點喇。一陣又接仔。快D寫左細細第1日返學先！！
佢下年先升哥哥間學校。今年升Pre-K班。
原校。但就唔同老師~
話晒2個月無返學。出門都有少少緊張。。
做咩我覺得佢個樣愈黎愈攪笑架? 哈哈~~~
媽味錫啖先！！
其實我同細細都以似樣丫。哈~~~
趕頭趕命送左哥哥。之後有半個鐘可以慢慢送細細。。
最後一年讀呢度喇。加油呀！！
無人幫我地渣機。唯有自拍多D。hehee~
4歲7個月的細細。。
細細 "入到班房。即刻食粒朱古力定驚先！！"
呢樣都係我tum佢返學唔好扭計既方法之一。。
細細既一格。。
老師幫我地影左張相 ^^
呢個就係細細班房。2班共用的。細細果班係左手面。。
細細今年既老師。Ms. Sharon~
渣緊車時出口術。同細細講。唔知一陣有無人咁勁唔會扭計扯住媽咪呢~?
因為依隻野最鐘意人地話佢"勁"！所以如果我話唔扭計係好勁。
佢有可能會OK~ 哈哈！ 點知真係比老師拖走。
一D都無扭計。真係好勁呀！！
希望佢下年入哥哥學校都咁勁啦！哈！！
放學lu~ 由於哥哥果間比較嚴。
所以12點9接左細細先。唔可以遲接哥哥架~
真係開心。老師話佢好好呀。。
接左哥哥。2隻野響度玩虫 …. @@
呔仔仲識得呢隻虫叫咩名添！
佢話叫 Rollie Pollies呀！我諗我好快 要佢教返我英文 XD
我諗佢地應該唔驚"甲由" << 唔識打 xD
好好玩架咩…..?? @@
Yeah 。接晒~ 任務完成。幾順利 haha~
真係好見到佢地放學成日咁開心~
使唔使咁肉緊呀呔仔…..
細細 "夠喇呔仔。知你心意架喇……"
呔仔 "人地開心丫嘛！！"
細細 "我…..斷….氣喇……"
今年佢地學校好多活動呀！特別是呔仔學校。。
睇睇D日子。哇！完全唔同既！而家我要MARK定晒。
同埋遲D 萬聖節呀呢樣果樣。我諗都要爸爸請假。一人陪一個喇~
好啦！我又要準備接仔喇。9月班細路開晒學。大家都加油呀！！
Facebook Page 見啦 >> https://www.facebook.com/curry143
微博就 @呔媽
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================
