在港時PR姐姐送來Aveeno Baby沖涼潤膚產品比呔細用，岩晒喇！未買小朋友沖涼液，頭幾日用緊大人果D都比較乾，特別是細細皮膚敏感有濕疹，好易乾同痕~ 其實之前都有其他brand搵我試小朋友沖涼，但牌子唔熟 &產地不明，所以婉拒了~ Aveeno就我地響美國時都有用佢D產品，呔細BB時有塗佢D cream，所以有信心試用，寫下用後感比大家參考下~
由於細細皮膚不嬲唔好，有濕疹好敏感，好少亂試野，特別是有香味的就更加易乾易痕。之前一直用朋友送比佢既人奶皂 & 自製濕疹油皂，都keep到皮膚無問題~ 而Aveeno Baby我就比佢試用呢隻無香味既“Soothing Relief Creamy Wash”質地滑嘟嘟。奶狀無味唔多泡，好岩細細用，用完好潤無痕癢。響香港時細細都係用佢沖涼，到而家用左2個幾禮拜，加沖後擦佢同系列既 Moisture Cream，都吸收得快，唔會立痴痴，皮膚明顯滑左同無咁乾~ 原本都怕夏天用太潤，但發現其實OK，因為沖完涼一出廳已有冷氣，冷氣會令皮膚易乾，所以呢隻保濕對幼嫩敏感皮膚好好！
細細繼續用緊都幾work，黎緊冬天我都會繼續買呢隻比佢用~
而另一系列“Daily Moisture天然燕麥系列 – Wash & Shampoo” 和 “Daily Moisture Lotion”就比較岩呔仔用，沖涼液有清香味，較多泡，清潔力強D，同埋沖涼後明顯乾爽D。我覺得岩大個少少，成日出汗既小朋友用~ 而佢隻潤膚係我心水，因為完全無味，擦完好舒服好爽，夏天用very good！我最怕大陣香味既lotion，易敏感同身痕。
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================
