大家好！終於有時間寫呔仔返新學校喇！
好忙呀真係。一來忙佢返學D野。二黎真係忙早訓。。
而家比之前返Preschool時要早1個鐘起身。
返8點半。7點半就起身整熱佢D飯菜。又要預備茶點~
好多晚佢訓時我都一齊訓埋了。否則第朝起身暈到呢…..@@
老公話好多人以為呔仔已讀小一。不是呀！
呔仔讀既其實係等於香港第3年幼稚園。即K3。
但呢邊唔係咁分。K3就咁叫K班。佢就係讀呢班喇~
而K班係同小學同一間學校的。
所以呔仔咪升左上小學。返新學校囉。哈！
2014年8月23日。5歲10個月大既呔仔。又開學了~
放左接近2個月暑假。一直問佢都話唔驚返新學校。
之前有次學校Open Day帶左佢去參觀。
見佢都好鐘意間學校。係公立學校~
到臨開學前一晚問佢。佢就話都有少少緊張。。
大進步呀！！果然淡定好多。。
反而係我囉……..
果晚佢地訓左。我整佢盒壽司便當。就有D感觸。
其實個心係好想陪佢。但學校講明放低即走架喇。
無得陪入課室。大個仔架喇~
又諗返起2年前佢初次返學。陪足幾日做跟得阿媽。
攬住我唔比走。痴纏左個幾月。又叫我響停車場等佢唔好返屋企。
好開心架其實個仔咁痴我。哈哈！
而家都無呢D喇。我驚佢好快叫我返屋企架喇…
所以話唔好嫌個小朋友痴身。覺得佢唔獨立。
轉眼間你想佢再痴你都難了。人。係會長大架！
大家都要珍惜小朋友需要自己既時間。
我最鐘意2個仔痴住我架喇 T.T
攪到1點。訓落床。又訓唔著喎@@
死啦！我自己緊張到眼光光囉~
無啦啦拖住呔仔隻手。攬下熟睡既佢。摸到佢指甲。
我又彈起身開返燈幫佢剪手甲腳甲。好彩記得！
唔係聽日老師見到呔仔指甲長。印象唔好架嘛~
攪完一輪。又撻返落床。又諗下唔知佢聽日點呢….
係呀。做阿媽係咁架喇。哈哈！
好喇仔！正式入學了~
其實你知唔你我真係勁鐘意你架！
你唔好咁快唔要我呀?
唔係我就要死死地氣痴返你老豆架喇！哈哈哈！
錫啖先啦衰人！
爸爸請左假。細細都一齊送哥哥~
傻爸爸。我諗你唔會緊張吧！
2兄弟。細細就9月2號升班。同之前一間~
2個小何生。。
行斜路返學。。
醒目呀！
排隊等入課室。。
一人似一個。哈！
開始緊張吧~
呢隻野好錫哥哥。反而係佢首先攬住我大脾。
話唔想呔仔走。好掛住哥哥。。
以為唔會發生的事。又發生左。。
臨入學校果刻。拉住我唔比走。。
好可愛呀！仲未大個。我放心晒！哈哈！
好變態呀呵? 係呀。佢唔扯住我。我會喊架……
呔仔爆喊左少少。。
細細在後面跟入黎。。
藍衫女子原來係校長呀。我之後先知 ^^
佢好好人呀。幫手安慰呔仔。又比我拖佢入課室。。
間學校比我感覺非常好。有愛心！
最後點呢。就係細細將自己粒"小豬"交左比呔仔。
話係小豬陪呔仔返學。哥哥擺左小豬響口袋。
比我拖佢入課室。為免再痴纏。我都即刻閃人喇。。
結果呢…..
我成朝就比蟻咬咁。又胃痛。
不停話。唔知呔仔點呢。有無食茶點呢。
食飯點食法呢? 呢樣果樣。煩死我老公….
話咁快。1 點就接仔喇！
行到學校。又見到藍衫女子(仲未知係校長)
佢見到我同我講。Tyler無事呀。無喊。
Lunch時佢問呔仔OK嗎。佢仲話OK呀！
我聽到咁。即刻放心晒！估唔到開學咁多學生佢都記得呔仔。
(其實係咪唔難記呢? 全校得佢一個喊 hahaha)
好關心學生呀！
等接仔的傻婆。。
黎喇黎喇。出黎喇~~~
呢隻就係陪呔仔返學既小豬喇！
佢仲話響Playground玩時。同小豬傾左一陣計添！
唔知佢係咪話比小豬聽佢返學既事呢? ^^
一出閘。就比我睇佢食淨少少飯團。。
話比我地知今日整左泥膠。。
登凳。呔仔班主任 ^^
2隻野好衰囉！叫人地做Mr. 阿伯 (讀音似)
好耐無見個仔喇。黎！比媽咪望真D~!!!
之後呔仔帶左我去佢課室。。
睇得出佢好興奮。哈！
呢間就係喇。。
有Tyler個名呀~
好正呀！學校已準備好學生既文具。。
佢同一個叫Emily既同學坐。我仲未知係咩樣 XD
課室全貌。都幾好呀~
課室一角。。
擺書包架。。
唔知咩黎呢。可能係做值日生既野。。
走喇。呔仔送左呢朵花比我 ^^
睇相見到。原來細細都送左小花比爸爸~ ^^
晚上同呔仔傾計。佢話掛住同同學傾計無食晒野。。
我問佢。有同學都講中文架?
佢話唔係喎。我地講英文。。
係?? 咁講咩架?
佢話傾下大家食D咩喎~
哈哈！諗起都攪笑。咁快就有朋友了。。
呢幾日呔仔放學返黎都好開心呀！
話好鐘意呢間學校。好多好好玩既野。
問佢係咩。佢話佢咩都唔記得架喇！哈！
見到佢咁開心。安樂晒~ 大家都可以放心喇~ ^^
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================
