2014年11月2日。呔仔6歲喇~!!
時間過得真係快呀!
琴日響FB個PO。令好多人都回憶起。6年前既今日大家陪我一齊生。
不停更新Yahoo Blog。等weak7直擊現場。同埋等呢隻呔仔出世!!
記得佢出世個PO。留言過千。都真係好經典架!
轉眼間。大家又陪我地渡過左6年。真係睇住呔仔大。
而呢6年好多卜友都相繼結婚生仔。結婚又send相比我。大肚又send相比我。
仲有唔少卜友話一知道大肚。第一個係想通知我。即刻要同我報喜添!
我相信我已經係大家既屋企人了。仲係好親密果種 hahaha
我有事大家會幫手。同樣你地有問題又會inbox我搵我傾。
真係好似兄弟姊妹咁樣。好鬼開心好鬼warm架!
感動野唔多講喇下。費事又話我整到你地眼濕濕喇。
不如睇返琴日既生日會啦!哈哈!
已好耐無同呢班朋友慶祝呔仔生日了。
記得佢4歲時就同 weak7既朋友慶祝。5歲時就請左丫田同學佢地黎開小型Party。
之後到今年喇。呔仔大個左。識得期待同預備自己既生日會。
帶佢去Party City揀佈置。佢自己揀左迷彩軍隊既野。
佢話鐘意Army野喎!之後D姨姨問佢鐘意咩。
佢就自己揀左D Playmobil 既玩具。發大達啦!!
邀請朋友既時候。Shirley知我幫呔仔響屋企攪生日。
就問佢細仔可否join埋Party。因為細Don 11月5號。
分開攪既話又係請同一班朋友。。
咁其實我就無所謂既。主要睇呔仔意思。因為個Party係佢架嘛 ^^
佢話OK 無問題呀!不過其實我都估到呔仔唔介意。
因為佢本身唔係鐘意做主角。又唔鐘意出風頭。
爸爸話佢Halloween影大合照。本身企最前。可以比人迫迫下迫到去最後。
不過其實我都幾欣賞佢呢個性格。特別是佢係男仔。
我覺得鐘意讓人。都好gentleman丫。
"做人唔好怕蝕底。咁先會多朋友仔"。哈哈~
不過第時比人搵笨就梗架喇。但施比受更有福架嘛!
我比人坤果時都係咁諗架咋!wakakkaka~
好喇!講下呢個早上喇!呔仔晨早就彈左起身。
猛攪住我。又問幾時開始生日會。D朋友幾時黎……
之後連細細都嘈醒左。點知細細都未擘大眼。
就向呔仔高歌Happy Birthday 。真係笑爆咀!最衰錄唔到佢!
之後呔仔一起身。就要求拆我同爸爸送比佢既生日禮物喇!
其實呢。份禮物2年前架喇!哈哈~
因為果年Jacky叔叔地個個都送LEGO。太多喇。
所以無比佢開。一keep就 2年了~
book左Jumper 10點半黎。點知佢8點半就敲門喇。。
真係牙都未刷。。
買左生果。諗住自己整雜果盆。。
點知D雜果出到黎全部一樣色架喎!!Hahahahah
Marco同Helen都加入"長憂99"group啦~
Baby Jasper好得意呀!食完就訓。訓完就食 xD
我地同Marco, Shirley3家人。壽星仔仲有紅外套既細Don~
D人陸逐黎喇!!呔仔開始收禮物。。
細Don。2歲快樂呀~!!
豬仔。。
wow~ 我的至愛!!
因為今次Party一齊攪。可以食好D。同埋租Jumper~ lol
多謝Shirley媽咪幫手整炒飯同雞翼雞腳~
做咩一生日。突然大個仔左咁既?!呵~
幾個響度狂玩玩具。太新鮮了~
Marco化身湊仔公。細細監場!
精神~
7 & mini 7
我D好姊妹~
阿Cat細女無啦啦出疹。突然黎唔到呀!
6個女人差佢一個~
Benny叔叔黎啦~~~
上星期先攪完"功夫"生日會既Kyle 2兄弟。。
開心開心~
佢地話我好興奮喎!梗係啦!我呔仔生日喎!!
(我不嬲都發仔瘟架啦…um…
我而家已經諗緊佢結婚唔知我喊成點呢~ hahaa~)
2隻仔。。
生日快樂。身體健康呀我個呔呔豬!
做咩咁衰樣呢…. @@
開餐先!!
呢盆野正呀!7話好似響日本時。超市買果D意粉喎~
有朋友真好….哈!
舊金山5癲。仲差LUM LUM囉!!
彈床瘋在玩。。
而家D仔大喇。租下Jumper等大家多d娛樂。
呢個租8粒鐘。約150USD~
2個細既自己響度玩。玩左好耐喎!
識左依隻無腳既雀仔17年喇!終於見到佢識得企。
身為老友。我….覺得好高興!Wakakka (仲唔到你!)
2隻細細粒繼續玩。。
係囉!勁無品囉成班友仔極度嫌棄我盆生果喎!
人地切得幾辛苦先得架!切到Marco黎。我都未洗面梳頭呀。
哼!太過份喇~嗚嗚嗚~~
嘩!!!又有咩禮物呀?!
夾手夾腳。。
wow~~~~~~~~~
原來係毛揚表叔送既學校&校巴!!
好喇。玩左咁耐。要食飯喇~
Jenny姨姨 同 Khloe妹妹。。
大口維個女呀!靚女~
細細豬。。
豬爸。。
Reiny姨姨 同 Lucus仔。。
豬姨姨同豬女。。
Helen姨姨同Jasper BB。。
愈來愈似鄭中基 wakakakkaakkak
細Don大大下似左Shirley。。
想點呢左邊2件蛋散…!!
2老表。。
鐘姨姨同2隻仔。。
今日好多仔呀!我地班frd都無咩女….
由中學玩到而家lu…
一人一件細既!細呢批個個歲幾2歲幾。哈哈!
你就威啦!佢自己揀架又係!
入去玩喇又。。
男子組。。
擺晒PO~
阿Kidd同仔。又係餅印!
依班女人~!!!
有型吧~!
好得意架呢隻仔!咁係笑笑喎!
指面豬就係咁。哈哈!
豬爸比人圍!!
豬女得意左喎!哈哈!
細果班響度睇電視玩玩具。。
呔仔又入黎食薯片。小休一會。。
做咩咁驚唧?! XD
唉唷。好得意哦~~~~~~
好喇。預備切蛋糕喇~~
今次呔仔揀左個地盤工程蛋糕。。
我地無要佢寫字。諗住自己幫佢裝飾 ^^
幾隻野又堆埋響走廊玩。。
好歡樂呢!睇得出呔仔細細好興奮。佢開心我就滿足了~
一齊長大既好朋友。第時睇返D相。勁攪笑!
係喎!Jumper 果張可以10年後影返呀!哈哈!
好耐無抱小BB呢~
爸爸竟然搭棚!真係好有香港特色喎!!
哇!好靚呀~~~
6歲呔仔。幸福快樂呀!
2歲 Sheldon。快高長大!
2個壽星仔。。
開心既時刻。。
Den Den為食到呢!唔怪得大隻左咁多啦!哈!
請留意左邊怪手……..
有人偷糖食囉!!
Khloe妹妹都好鐘意蛋糕架!
好滿足的小朋友~
密密食。。
不停食。。
撞鬼囉!趁我唔得閒。食咁多糖!!
神奇渴睡椅….升級版?!
阿鐘走先喇。多謝參與~
之後到爸爸出去玩。。
Khloe妹妹8婆樣。呵~
多謝爸爸咁辛苦搵錢。攪一攪生日會又洗幾舊水。。
瘋狂一下。。
爸爸話推細細落去。細細好開心喎 @@
仲拋高拋低。真係落力喇!
勁PO 3父子。。
之後豬豬走先。佢地捉我鄧腳。
打左2圈就割禾青。我輸左6蚊!呃錢架!!
大口維都黎接Jenny喇。拜拜~
淨係認個口都唔會失散。wakakakkak~
個個走晒。執屋拖地。細細就做功課。。
呔仔呢? 梗係玩佢既新玩具啦!哈哈!
好喇。忙完佢地D野。要開始忙自己野喇。
而家幫朋友設計首飾。希望趕到情人節前出啦。哈!
到時記得支持我D心血呀~ ^^
仲有仲有。要開始陪佢地畫卡喇。之前冰桶時應承過。
卜友捐錢去任何機構。只要比收據我。
我就會寄張呔細手畫卡比佢。鼓勵大家行善。
結果…..成100張都有呀!Hahaha~
不過可以推動大家做善事。我又覺得好有意義既!
希望佢地11月前畫完。12月頭寄出。大家可以聖誕前收到。
當係少少既禮物啦!
想要既朋友。無喇。截左止喇。畫唔切呀。下次有機會再畫啦 ^^
都係果句。代受惠人仕多謝大家。佢地今個冬天又溫暖左喇~
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================