大家好呀！縱然呢度已經變成週記/雙週記。
但我知好多卜友都仲好有"睇卜"既情懷。
而我自己都仲係咁鐘意寫卜。所以一有時間就會寫。
平時就靠Facebook Page 同微博 聯絡喇 ^^
係囉講返呔仔上2星期腸胃炎。痾鬼到瘦晒。
之後又出現左"愛麗斯仙境症"。睇野間中縮小變遠 @@
一波未平一波又起。真係無命！可幸都唔係大問題。
琴日徹底驗查過眼睛。完全正常。而醫生話有咁既問題。
可能因為細菌感染過。係短暫性影響。咁都叫放心D囉~
OK啦！每件事都係一個學習。大步欖過好好彩架喇~
好喇。講返。10月7日。呔仔學校第一次去旅行。
去LEMOS FARM 楠瓜場呀！隻傻豬好興奮！！
上星期5已經問。係咪聽日再聽日再聽日。之後果日就去 xD
之後果幾日都不停講住。Hahaha~
好喇。到星期二朝早喇！細細知道哥哥要去楠瓜場。
有問過。我話係哥哥學校。佢都無扭話要去。
但好慘囉。不嬲都同阿哥拍住上。今次無得跟….
一早要返學校報到先！之後先送細細返學。
因為呔仔話想我車。唔想搭校巴。
學校話歡迎家長去。因要幫手分組睇細路。
一人睇幾個。呔仔呢班都有成十幾個家長去。。
跟埋入課室。我地一齊聽阿Sir分配工作等。。
大人講 野。細路畫畫。。
此時細細又話好想跟哥哥去。叫我問下呔仔老師得唔得跟去。
其實阿Sir都好歡迎。係我要顧埋細細囉。不過顧佢就easy job啦。
佢好定性。唔會四圍癲。完全無問題既~
隻小仔知道後勁開心囉！即刻扮晒一份子咁。真係頂佢唔順~
之後我要打返細細學校請假。直接同老師講細細跟呔仔去旅行。
老師話: 無問題呀！比佢去玩下開心下~
Oh~ 響呢邊讀書真係太爽皮了！！
其實我都有少少想比細細去既。因為呔仔1點先回程。
我怕到時會遲左接細細放學。會嘈醒其他訓緊既小朋友。
同埋都幾遠。未去過。費時趕頭趕命咁囉。。
條友好自然地"享用"班房既設施 xDDD
好喇！出發啦~~~~~
由於細細都去。我又走返屋企夾多份三文治。
因為初頭只準備左2份 Lunch~
結果到達時。校巴就岩岩到。。
呢度叫Lemos Farm Pumpkin Patch。響Half Moon Bay~
呢邊既朋友有興趣可去。都幾多野睇幾好玩~
小仔正晒啦！唔使返學仲有得玩！
有得餵小驢。。
買左2蚊野食。比佢地同另外幾個同學餵。。
好狼呀！杯都咬埋走。哈！
同學仔都好守紀律 ^^
個個都好乖。呔仔班同學好好。無咩癲仔。。
古怪樹。。
呢度都幾大呀~
我同另一家長被分配睇呢幾個同學。。
呔仔好鐘意楠瓜。。
細細就話要幫楠瓜裝飾。。
自由活動。。
果邊有鬼屋。。
呢張相。諗起呔仔1歲時。咁就5年了。。
同阿Sir合照。呔仔即變細細粒。。
佢地最鐘意果Part~
好靚呀呢度。。
西部牛細。。
西部牛呔。。
真係好似我同7 @@
四圍都有古怪野。。
好好天呀呢日。好彩~
農場車前留影。。
我地仲坐左農場車卡車。兜左一圈。。
邊睇邊講。2隻野又笑又叫~
細細度一度。。
食完Lunch後。同學仔一人可以揀一個楠瓜。
細細都想要。我話比返錢。阿Sir話唔使。學校包左場 ^^
結果呢隻小仔都可以有一個。發達啦~
呔仔鐘意無"丁"既楠瓜架！一定要搵無既！！
呢間鬼屋。細細想入。呔仔驚。。
結果無入呀。我驚污糟 lol
好喇。咁又一個早上喇。下次旅行唔知幾時呢?！^^
呔仔既楠瓜要留響學校玩遊戲。細細果個可以拎返屋企。。
朝早應承左佢。可以幫楠瓜裝飾。好啦！！
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================
