呔細開左學D時間過得真係快呀！
日頭掛住忙佢地D野。屋企野。洗衫煮飯跟功課。
都真係無私人時間。太累了。又朝朝7點半起身。
結果佢地訓時我都訓埋。更加無時間寫卜~
希望大家體諒啦 ^^
而家細細D功課多過哥哥之前。而哥哥功課就唔太多。
但放多左時間同佢一齊讀書。佢有興趣。我一定配合既。
咁咪付出埋自己少少私人時間。比埋佢地囉~哈哈！
唯有多D 響Facebook update。大家可以保持聯繫啦~
Facebook Page : www.facebook.com/curry143/
係喇！ 講返 9月中時響FB Po過話呔仔"口擘擘"既情況先！
話說8月中左右開始發現佢經常"口擘擘"。唔止係大家見到段片。
而係任何時候。專心時減少既。平常就擘多D~
都好擔心架！所以響FB問下大家意見~
睇左D資料後。都覺得佢係TICS DISORDER (抽動症)。
成因不明既。但好可能係轉換新環境令佢緊張引致~
問左醫生。佢話只要完全不動聲色。當無事發生。
一邊觀察佢。情況應該佢慢慢自然好轉。唔係大問題~
而老師方面亦有溝通左。佢話都留意到佢呢個問題。
但完全唔阻礙佢學習同參與。所以我都係叫老師一齊觀察。
唔好比壓力佢。希望佢慢慢減少。。
近呢一星期其實見佢明顯少左既。所以大家可以放心。
我好想多謝大家呀！！因為好多朋友同卜友都關心呔仔。
亦熱心幫佢了解情況。好多私訊慰問！
真心感激大家。永遠有咩事都支持同鼓勵。會安慰我。會心痛佢….
真係…..感動到唔知講咩喇……….T.T
早排成家病晒。可能係細細響學校惹左D菌。一開學就瀨晒野。
細細中耳炎。呔仔叫做頂得住。流下鼻涕咁啦。weak7就大鑊D。
感冒發燒。我都半死。但要照顧呔細。又唔死得住。
慢慢都好返。今次算快喇！可能因為早訓。抵抗力好D~
好返唔夠一陣。呔仔又瀨野！唉。真係頭都暈。。
上星期三清晨4點半無啦啦發燒。成晚摸住佢無咩點訓。
全日退下燒下。星期三無返學。當晚就開始肚痾。
一痾開。大鑊喇！停唔到。當晚半夜(即星期四凌晨)。
準時2，4，6，8 隔一陣痾一次。開水喉咁痾到佢pat窿開花。。
不過佢都勁喇。自己起身痾！當然拍醒我陪佢啦 @@
哇！暈到我呢~~~~~~~~
咁情況晨早車左細細返學。就帶佢睇醫生啦~
原來腸胃炎！！唉。梗係星期二晚響朋友家食錯野。。
無辦法啦。鬼叫條友同佢阿媽我一樣咁為食。咩都擺入口。。
果日睇睇下醫生都瀨架。痾足全日。
由於喪幫佢洗底。忍唔住比左M巾佢用。
再咁漏法真係幾多條底橫都唔夠換！
由於燒+痾。醫生開左抗生素。食左2日開始好轉。。
星期五凌晨一樣係2，3個鐘一次。連續無覺好訓真係人都癲。
好彩日頭精神返。開始無痾得咁密。
隔3。4個鐘先痾一痾。燒亦自動退左。情況樂觀~
見佢前晚無痾。第朝精神既。
所以同埋佢去整清防車。順便出外抖抖氣。曬陣太陽。。
由於連日都無胃口食野。3日夾埋只食過1碗半稀飯。
痾就痾足幾十次。真係瘦到pat都無埋。唉~
佢琴日話肚餓想食野。我幾開心呀！最緊要有返胃口。有精神！
琴晚已OK半夜無痾。之後到今日(星期日)。只痾左2次。
應該慢慢好緊架喇！大家唔使擔心佢喇~
黎緊都係要食清淡D。要慢慢先谷得返肥佢喇！
不過肥又好瘦又好。最緊要佢身體健康。其他都係其次啦！
再次感激大家既關心呀！見到你地D留言。真係好WARM架！
大家雖不曾見面。但感情好似一家人咁！真係好難得！非常珍貴！！
好喇。寫埋果日整消防車。我都訓喇。呢幾日身心疲累呀真係….
一早報左名Lowe's既 Build n' Grow。係比小朋友砌野既活動。
今次砌消防車。呔仔細細都喜愛~
困響幾日屋企。又無得返學。心情特別雀躍。。
細野。。
呢幾日都辛苦老公照顧細細了。。
初頭以為係試堂。原來係一人派一份呢 D野。自己砌 @@
OK啦。易砌。當親子活動玩下都唔錯~
爸爸同細細。。
細細第1次用堅野DUP釘。。
呔仔都有DUP。不過佢無咩力。大多我幫手。。
有D位都要爸媽幫忙。。
等D男仔做下呢D。接觸下都好。。
呔仔最鐘意貼貼紙。哈！
就快完成。。
拍埋一齊好似樣架喎又！
貼埋D貼紙就攪掂！
完成品~
細細的 ^^
好喇。我訓喇去。希望下篇卜唔會隔太耐啦！
大家都加油！香港加油！！
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================
