黎到第2日喇。不過我要覆一覆上篇卜既卜友問題先。
我驚佢地無去check睇唔到 ^^
tracy : "踩左"既意思即係踩左屎。瀨左野咁解 lol
Iam : 1歲好多機動遊戲都未玩得。但就唔使錢入場。
入面都有岩佢玩既Playground火車之類。又多野睇。都值得去。。
好喇!呢日就真係呔細期待左好耐既Legoland喇~
我地買左5日Pass。所以唔趕。慢慢去~
響酒店check out後。就去買麵包做Lunch。。
何生買左生果比仔食。驚佢地日日食街唔夠蔬果。。
無啦啦又走去Daiso(100yen店)買左把刀。
人地都話今晚返酒店先切啦。又話可能D仔而家想食喎~!
竟然迫我"行車中切蘋果"!!!
你知我一聽到仔想食就發瘟架啦!真係聽佢老點。。
結果渣唔穩把刀。差D成忽肉批左出黎。D血巴巴聲湧出黎….
我幾驚止唔到血要入院縫針。驚D仔等左咁耐無得玩呀!T.T
流左幾疊紙巾血。包住襟左半粒鐘。終於止左。。
無喎!唔知係咪我天生異品。個人又極度鎮定。
批到咁都唔覺痛(定比我襟到麻痺左) @@
到而家好返。都無痛過喎!咁神奇都有架呢??
響L.A.渣左個零鐘車。到喇到喇~~~~~~~
入口附近見到好多Lego人。心情興奮~
有蛇人。。
影相要就住隻食指唔郁得。。
此戍利無咩人性。。
見到一班frd影相。。
你地快樂所以我地快樂啦~ 哈~~
每次Parking 15蚊。多人夾埋一架車去就抵D~
呢日我地攪攪下都成3點先去到。佢收6點。。
四圍睇下影下相。。
入面全部野都係用Lego砌。好好睇~
見到Lego Movie既 Emmet~
佢仲有個真實拍Lego Movie既場景展覽。
勁好睇呀!呔細要翻兜睇添!嘻~
呔仔自己渣車。幾得意。
完全佢自己控制。都慢既~
兜2個圈咁。我地遲黎。加上平日。
無咩人排隊。正!
之後玩消防車遊戲。呢個好玩呀!
自己渣車出動。再射水救火~
呔細揀左警車 ^^
過癮。。
放大左既Lego Police Car 。。
之後出奇喇!平日好似好細膽既呔仔。竟然主動要求玩呢個!
我地梗係比佢試。難得佢對自己有信心!
細細又話想試。2隻野一齊上!!
ok喎真係。攀到好高呀!!
細細驚先。嗌落黎。哥哥就攀得高D。叻仔!!
呔仔攀過左window呀!勁!
同警長合照。。
我同細細去左玩飛機。自己控制上下左右。好玩!
元秋響樹攪咩呢下?! XDDD
3隻野等佢淋花。真係有水淋落黎架!哈!
等待的男孩。。
見到海盜朋友聚餐。。
我地去坐射水海盜船。。
勁好玩呀!可以射濕出面D人。或者前後D船互射。。
興奮細細射爸爸。。
入左一間Lego Factory。睇下點生產Lego~
舊式印模機。分包裝。。
可愛。。
佢地好得意。唔係太鐘意坐機動遊戲。
但可以響Playground玩好耐!
爸爸犯人。戴Lego 手扣鏈。。
細細英姿。。
探監的呔。。
唉。陪你坐下喇!
走左去渣救護車。。
2隻野自己玩。我地又影下相。。
何生何太。。
件Tee一樣架。哈!!
走Lu。聽日再黎過啦~~~
有卜友仔介紹呢間。原來無飯麵。
不過都有野岩佢3父子食。。
等食時哥哥讀書比細細聽。。
卜友仔話"宇宙最強"喎!哈哈~
豆腐牛油果卷。好味!
加洲卷。。
呢個我既。無飯魚生。呵呵~
老公叫左龍蝦卷。好正呀!!
仲有軟殼蟹卷。唔錯~
邊食邊畫。呢期愛上不停畫野。good呀!
聽日玩水!期待呀!!
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================