既然香港卜剩返幾日。不如寫埋佢先啦！
好頭好尾嘛~
多謝大家關心喇。之前廁所段片係響香港時影架。
我果時病到聲沙。又喪咳。而家無事喇~
不過講開病。自從出左2本書同做左CurryBee後。
捱左2年夜。真係虛晒。不嬲頗強壯既我。
家陣好易病。仲衰到經常嚴重鼻敏感。
所以而家好早訓架喇。唔敢輕舉莽動！
都想留返條命仔。睇到D仔結婚D孫出世既 ^^
另一樣想講既係。今年7月書展唔會出書喇。
由我慢慢磨啦。唔捱夜。趕唔到喇 ^^
所以話呢個世界真係無Free Lunch。心血夢想。係用健康換返黎架 T.T
雖然唔再捱夜。但都要寫埋卜先訓架喎！哈！
是日係小妹 32 歲生日。2013年12月25日呀~
weak7一早落左去超市買野。。
病病地。我同細細訓到下午。。
2點幾都未肯起身。於是老公帶左呔仔去食Lunch~
仲幫呔仔影左好多相添 ^^
趣怪呔。。
善良的微笑。。
遙望。。
2父子拍拖去。。
鐘意路軌的呔。。
搭一個站去隔離。。
食呢間。。
溫馨！呵呵~
之後帶呔仔四圍行。。
小孩與狗 ^^
哇！正喎！仲高清添！
岩晒我呢D 9年無打牌。估計就快連牌都睇錯既人 xD
住家呔對電器好有興趣。。
童工嗎??
有板有眼 xD
香港聖誕D裝飾。小小商場都比呢邊靚~
有型。。
粟米狂人。。
Wakakakka~
無聊影。。
行到天黑了。。
返黎接我同細去食野。。
呔細話今日聖誕。呢2份係聖誕禮物。
開黎飲飲食食。咁就好開心架喇 ^^
一家四口。出去食飯慶祝。。
可能係聖誕夜關係。車箱無咩人。。
見到好得意既裝飾。2隻野興奮。。
焗菠蘿包。嘻！
香港地道野。呔細都鐘意飲奶茶。。
一家人健康快樂。我好滿足 ^^
細細呢期鐘意渣槍 XD
齊齊焗。。
見2隻野都想睇。我地買左飛聽晚睇。。
你地有睇PO都知啦。我又病左。去唔到囉 ><
之後呔仔話要跟爸爸去。睇左少少就拉爸爸走人。
仲搭唔到地鐵添 @@
日頭食完。夜晚再食都得架喎！！
我地既聖誕同生日。就係咁樣過。哈哈！
2隻仔。。
好味！！
見唔見後面叔叔呀！呔細食得慢。
佢話要佢地留響度做野。嚇到2條友仔甩晒碌。哈~
哇！爬快D隱陣！！
開心開心~~
勁鐘意呢個包囉。不停上上落落 ^^
無人。正呀。四圍影！！
心心。。
返屋企。。
原來老公下晝買左蛋糕比我。
呔仔一返到屋企就爆響口喇！嘻嘻！
其實我個人好奇怪。
我唔鐘意去高級餐廳食飯。又唔鐘意買名牌。。
我覺得一個人富有。唔係睇佢出入咩地方。
又或者用咩名牌手袋。
一個人真正富有。係心中富有！
我希望可以帶比大家心靈上滿足。(金錢上我都窄窄地 XD)
黎到抵擋呢個咁銅臭既社會！
夜深喇。唔知自己想講咩喇。
總之 I love U, U love me, we r happy family啦！hahahah~
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================
