上篇就講左呔仔一段咁開心既Puppy Love啦！
又講下當中我作為人母。當時既一D心情。
無錯！我呷醋。。
其實唔難想像既。
拿！我要講絕對唔關對象事。
呢單野邊個埋黎就死邊個架喇！哈~
主要係呔仔既愛。係唔可以同人分享架嘛。
應該咁講。係我一時之間未接受到
呔仔原來會鐘意媽媽以外既女仔架喎！
呔仔一直係最愛我架嘛 T.T
佢仲咁圓咁得意。又咁攪笑。
我未ready同第2個女仔分享佢既愛喎！
但響另一方面。我又鄧佢好開心架喎！
原來做父母既。真係會愛兒女所愛。
佢鐘意。開心。我就鐘意。就開心架喇~
你話我既感覺係幾咁複雜呢~~~?！
我都諗緊我死硬架喇。呔仔咁樣鐘意下人我都咁緊張。
過多10年佢真係拍拖果陣。唔知我會點呢?
我諗我同失戀無分別架喇……..
(係喇我知喇。呢個時候老何會衝出黎講句 : 當我死架??)
哈哈！到時大家再傾訴啦。
我知好多卜友既小朋友都同呔細差不多歲數。
到時互相開解啦~ XD
當然呢D醋意。只係一瞬間既感覺。
有邊個阿媽唔想個仔開心。梗係想個仔同女友恩愛架啦~
響亂諗野既呢個時候。我發現左一樣好奇妙既野！
就係當呔仔同我講佢最愛媽咪既時候。
就即刻醋意全消架喇！
當然其實你知道佢最錫既會係佢老婆。
人地養到個女咁大嫁比你個仔。個仔唔錫佢點得呢?
但你又真係會信阿仔既甜言。成個人安樂晒架喎！
所以話。做仔既最緊要識TUM媽咪。
咁就咩事都無架喇。哈！
而家諗返真係好白痴囉！但我又覺得好得意。
原來自己會咁緊張。會呷醋喎！
唉呀~ 我諗我太愛我D何生喇！哈~
好變態囉。我迫供呔仔錫老婆多D定媽咪多D呀！哈哈~
影低左佢。諗住第時佢錫晒老婆唔錫我果時。
自己偷偷拎返出黎睇。
睇下呔仔5歲時幾錫媽咪~ Lol
段片影到呔仔戀愛中既樣。笑得好甜架 ^^
Video : 呔仔。最愛是誰 >>
https://www.facebook.com/curry143/posts/725521450804195
黎緊會upload返之前擺page既相上youtube
好耐無upload片喇~ 大家可以睇返呔仔細細。
小時候既片。我成日翻睇架~
響youtube 搵 "TylerTheBaby" 就見架喇~
呔仔與初戀女友嵐嵐 ^^
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================
