"愛戀沒經驗。今天初發現。 遙遙共他見一面。 那份快樂太新鮮。。"
呢篇係大家同我自己都期待以久既一篇卜。
呔仔Puppy Love。
都算係今次香港行既一件大事！！
好喇。上回題要。果日約左嵐嵐妹妹一齊整手工。
期間其實呔仔係無理過嵐嵐妹妹咁滯既。哈！
因為呔仔不嬲少同女仔玩。
唔好話一齊玩。學校D女仔行近佢。
佢係會自動彈走左果種。女性絕緣體。。
果晚飯後。我地分別時。嵐嵐唔想走。想同BiBu哥哥玩。
所以猛喊。就係果刻。感性呔望住嵐嵐妹妹喊得咁可憐。
相信係完全覺得嵐嵐係為佢而喊。
由憐生愛。墮入情網喇~ ^^
返到屋企開始黎料喇喎！！hahahahha
猛問我嵐嵐妹妹幾時得閒呀?
佢聽日使唔使返學架? (果晚12月15人地未放假)
放左學可唔可以搵佢架?
佢問既時候果個樣呢。係我從來未見過架喎！
陰陰咀笑。面紅紅咁。又唔敢太表露 XD
果晚以為佢一時心動啦！
點知第朝。一起身又問我幾時約嵐嵐喎！
(唔知佢琴晚有無發夢嵐嵐呢? Lol)
落樓食野。開始黎料喇……..
呔 : 媽咪呀。我想約嵐嵐妹妹去拍拖~
我 : 拍拖? 你鐘意嵐嵐妹妹咩?
呔 : 係！
我 : 咁你地去邊度拍拖呀想?
呔 : 我地去玩。之後去買BB玩具比BB囉~
我 : 咁快有BB喇? 你會唔會同嵐嵐妹妹結婚先架?
結左婚先可以生BB架喎！
呔 : 會呀。我會陪佢結婚架~
哇！笑死我同weak7呀！！
呢隻仔丫。一係就無女埋身。
一黎就咁猖狂結婚生仔。果然係古怪呔呀下！！
呢餐之後。我就知佢真係心裡有件事。瀨左野喇！哈！
接住落黎幾日。佢都有提起嵐嵐妹妹。
話鐘意人地。我都好興奮又好開心架喎！
見個仔開心丫嘛。識得鐘意女仔都算係成長既重要一環丫！
不過無諗過會咁快。哈！仲要係呔仔唔係細細喎！！
細細既話可能無咁出奇。哈~~~~~
原來做人阿媽呢。真係好得意架喎。
呔仔話鐘意呢個女仔。我就開始份外留意。
睇下佢岩唔岩呔仔咁 (係咪好爆呢?? XDDD)
因為嵐嵐妹妹比較外向熱情啦。易同人熟&玩。
咁我就驚喇！驚呔仔被情傷嘛！！
你知我家呔仔幾怕羞。有心事一定收收埋埋。
會唔會約出黎時見到嵐嵐同其他男仔玩。
會唔開心呢?
之後又諗。唔約其他小朋友咪得囉！
唉呀~ 唔係喇。都係出下口術。
等呔仔知道而家鐘意都未拍得拖住既！
費事隻傻豬愈踩愈深。一陣返美國時唔開心咪死。。
我同嵐嵐媽講開。其實佢地都唔知道咩係拍拖結婚。
成日想一齊玩就叫鐘意架啦！
之後佢地間唔中又whatsapp傾計啦！
嵐嵐次次話掛住BiBu哥哥。話鐘意佢果時。
呔仔聽到都甜笑架！直情係"戀愛ING"！！
由於嵐嵐放假會去台灣玩。要月尾先約到佢。
同左呔仔講未有咁快見。咁佢又無咩點提嵐嵐喇~
佢無提。我又覺得自己之前咁緊張真係多餘。
正所謂"認真就輸了！" wakaka~
好白痴囉！！而家諗返起都覺得好好笑。
不過原來做阿媽真係會咁架！xD
終於到左12月29日。呔仔期待已久既約會喇~
其實係約左嵐嵐妹妹去公園玩。
呢個係呔仔要求既！同嵐嵐玩公園 Lol
等我帶大家睇下我家呔仔第1次主動約女仔既情況啦~ 哈哈！
比佢講到連我都有D緊張添 XDDD
一齊食完Lunch。呔仔就拖住嵐嵐去公園玩喇~
兩小無猜。好可愛呀！
帶住嵐嵐行。好大哥哥feel呀~
嵐嵐阿姨叫佢錫啖呔仔哥哥。呔仔勁怕羞。即縮！ XD
咁唔錫喇。不如攬下啦。又縮！Wakakakaka
仲想逃跑！嵐嵐好無奈。哈~
做男仔要大方D！咁咪幾好~
可能太尷尬。唔見慣世面既呔仔。跑走左~
攪錯！要人地女仔追番佢 @@
去到公園個個掛住玩。拋開感情事。哈哈~
恆安呢個公園超好玩架。勁大！
3隻野勁開心！！
3條女。。
又陪嵐嵐玩一陣。。
^^
四圍走。。
勁鐘意玩呢個。。
係幾有挑戰性既。。
好開心~~
咁威風既個樣。哈！
齊齊SIR滑梯。。
呔仔攬住嵐嵐SIR。。
幾"時wee"~ 呵呵~~
攬到實。。
嵐嵐繼續傻笑。。
之後呔仔就打直訓左響度唔敢郁。
等嵐嵐起左身先！
嵐嵐掛住笑。笑到無力起身喎！
結果嵐嵐踩住D野。借力起身。。
依?? 原來踩到細細個頭！
細細一喊。嚇到嵐嵐不知所措。。
好可憐呀細豬。不過呢個樣太好笑。。
話左SIR完即刻走架嘛。唔係好快有人剷落黎架喇~
如沐春風的呔 & 無辜被踩的細 xDDD
再玩多一陣。我地就返屋企了~
返到屋企食小杯麵。。
YUM~
Polly姐姐。。
之後3個一齊玩左陣。嵐嵐就開始眼訓。返屋企了 ^^
今次約會之後。呔仔就回復正常。無再經常提起嵐嵐了。。
呢個初戀都算來得快去得快！
依我估計。呔仔係覺得嵐嵐上次喊因為想同佢玩。
所以佢就約嵐嵐妹妹出黎玩。想tum返妹妹等佢開心返。
呢隻仔心地善良。希望長大後都一樣咁為人著想 ^^
雖然呔仔今日話佢已經無鐘意人 (琴日問佢仲話鐘意架喎！)。
淨係鐘意爸爸媽咪同細佬。
不過呢條友仔出人意表。可能下次再見又重燃愛火架喇！
哈哈哈~
下篇卜會有更爆笑既"媽媽呷醋事件"。
仲有"熱戀呔"Video。珍藏呀！！
因為已經唔會再影到呔仔熱戀中既樣子了~ ^^
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================
