哈哈~ 琴晚訓鬼左。無同大家分解到下回。
係咪好心急呢~~~
好喇上文提到。響車站等左好耐。
新井太太終於幫我地搵到間酒店。
叫"十河"。去到門口。依~ 都幾四正喎！！
寫住和風旅館。正合我地心意~
點知一入到去。哇~~~~~~
早紅地氈(相信本身應該是鮮紅)配以陣陣霉up味。。
加上我襟佢鐘出黎接待既阿伯。
十足十日本D恐怖電影。無啦啦出現又面無表情果d樣。。
如果唔係湊住2隻野驚訓街。都應該掉頭走左。
仲跟佢上房睇咩。。
不過上一上都好。weak7一入到去面都青埋。wakaka~
我再入埋去….得喇。走得喇….
殘舊 + 煙味唔在講。最重要係…感覺好不安….
驚到抱仔走返落樓。都無影相 hahaha
之後又等新井太太再搵過。。
呢隻超好食。一路等一路食~
由於入面太污糟。大堂D梳化又係霉up up既！
與其叫住D仔唔好坐呀唔好拍梳化。索性企街等。。
而我亦不停上網搵酒店 & 同新井太太溝通。。
你睇細細幾可憐。企到度訓著左……
原來walk-in搵酒店咁難架咩??
新井太太話日本酒店一般唔walk-in。可能安全問題。
加上唔識日文更加唔so你。。
最後又搵到一間話有房。
不過果間話我地唔識講日本。唔收喎~~~
下?? 咁都得???
我唔信邪。決定打的踩上間酒店問下！
(天開始黑齊。我抱住一絲希望唔使夜麻麻搭車返大阪)
此時行去搭的士。。
努力溝緊。。
雞同鴨講一輪。司機知我地想去邊間。。
點知又黎料！！！
去到酒店門口。有人衝出黎唔比我地落車喎！
原因係之前新井太太打左去話我地會去酒店。
佢就真係出黎截住我地唔比我地落車。
話要我地既朋友(即新井) 同佢地用日文溝通先。
咁我話入佢度借電話打比新井啦。
又唔比喎！竟然叫司機車返我地去便利店打~
頂！玩野咩~ 真係9唔搭8….
好啦唉。都唔同佢拗咁多。
叫做盡左力。無計啦。
唯有叫司機車我地去JR站。趁仲有車。返歸吧~~~
老實講其實走唔走。對我同weak7黎講無咩所謂。
主要都係唔想呔仔失望。。
響就快到車站既時候。
登凳！！
我全能既符轆之神又黎眷顧我喇~~~
呢個時候。收到新井太太既message。
話"白良莊"有最後一間房！！
仲幫我地book左而家可以去添！！！
wow~~~~~ 簡直係興奮！
多謝妳呀新井太太~
咁我地即刻轉陣。又叫司機車去地去白良莊啦！
去到白良莊。攪笑喇！
原來就正正響頭先上的士既隔離街口。望住架喇~
搭左3千幾yen。行左個大運返番原點。。
不過唔緊要。無辛苦過點有而家既興奮呢~
hahaha ( 阿Q精神)
就係咁。我地終於順利搵到個竇。留宿一晚！
仲好彩喎！本身佢地比我地間雙人房。
有煙味。我問會唔會有NON-SMOKING room。
轉頭十分鐘。佢調左我地去一間6-8人房。
丫。應該叫套房。有大廳偏廳。連廁所都有2個！
哇~~~ 正到不能。真有苦盡甘來之感啊！
仲未到高潮喎！！
擺好D行裝。一拉開簾 OH MY GOODNESS~~~
無敵海景呀~ 好靚呀~~~
哇！想點呀? 我係咪發緊夢呀??
(諗返起頭先實在太大對比了 -_-")
好靚呀沙灘！仲有燈飾~
房間好大~
門口有位擺鞋著鞋。仲有走廊。勁闊落~
洗手間。左右2邊為浴室廁所。。
終於安定落黎。2隻野舒服晒。
仲好有興緻響度搣柑食！
(依。上篇卜我係咪一直話"桔子"。
睇黎係柑黎喎老細！但其實2者又有咩分別呢?)
雖則呢度無海舟既裝潢。
但勝在整齊乾淨。舒適自在。又有無敵海景。
加上萬7yen既價錢。真係非常十分滿意~
(雙人房價，呢間唔知喇，佢照收我地萬7 ^^)
符轆的人。好彩堅持去果間戍利酒店。
攪左一輪。新井太太先有時間搵到呢間。
先可以玩多日。否則搵到呢間時。
我地都應該已經搭緊JR喇~
所以話。有因必有果。有時D野你以為瀨左野。
但可能係靠佢引伸另一件好事！
共勉之啦！哈哈~
無幾耐有2個姨姨入黎。幫我地整好床舖TATAMI。
我請佢地食零食hahaha~
好。落樓搵野食~
夜麻麻費事行出去。響樓下食烏冬拉麵~
拿！老公你最愛喇。hahaha~
呢個係酒店名。平價之選。
老公話下次住返呢度添呀！
食飽飽我地出去散步。行沙灘~
D仔就玩沙。都未試過夜晚行沙灘。
感覺新奇~
佢地玩沙。我地自己影相~
^^
渣住部機轉轉轉。睇下影唔影到d燈飾好似火光咁先！
條友攬住我fing死我咁滯。我笑到腳軟~ hahaha~~~
wow~ 好靚呀~~~
2隻野掛住玩沙。我地自娛一番先！
老公當時係執左碌木。自製腳架！
醒目仔呀下~
咁我地就可以肉麻當有趣喇~ 呵呵~
影埋張合照。走人lu~~~
book左10點浸家庭浴~
返酒店前買下零食先！
換好衫。落樓lu~
可以浸一個鐘 ^^
呢度水溫又OK喎！2隻野都岩浸~
2隻野沖晒涼訓晒。爸爸嘆零食。
呢隻草餅好味呀！食晒成盒 ^^
早抖喇~
真係充滿驚喜既一日呀！！
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================
