我發現我呢個"大眾朋友"。你地真係同我好friend底。。
好多時個人FB message會收到大家感情問題呀。升學問題之外。
護膚品呀Mask呀果D女人野唔少得架啦~
仲會有人問我用緊邊隻洗頭水！牙膏！(難道口氣都聞到? wakaka)
內衣底褲！！M巾都夠膽死！！！(小妹妹話佢皮膚敏感)
真係比你地吹漲 xDDDD
我諗我由大眾朋友。已升呢變成大家既閨中密友了~
前排香港潮濕發晒霉。都有人問我抽濕機。。
因為我之前講過。我地屋企呢區長年超大霧。
唔好以為冬天先濕。其實夏天更嚴重喎！！
(睇屋果時係11月。幾好天呀！比佢呃晒！
好想搬去另一區好天D既~ 真係頂唔順呢度D天氣 T.T)
其實我地本身用緊果部唔錯。都用左好幾年。。
潮天時晚晚都抽成桶水出黎。特別以前有地氈幫助鎖水。更濕！！
你地都知呢邊D家品大部份係大牛龜。外國普遍地方大D。
所以家品設計上都唔需要花咁多心思。一般都係又重又大舊~
最大原因令我地決心換鬼左佢。係佢愈黎愈嘈。。
其實部野初時都係嘈。而家直情轟轟聲。關埋門都聽到。。
好喇！舊既唔去新既唔黎。哈！
我地屋企新成員。抽濕Albert仔~！！
Albert仔外型真係好殺食！
weak7開箱時淨係不停講 : 真係好型喎！！
(梗係型啦老細！成6舊水美金呀 $_$
check過香港平好多。好似3000幾咋~)
D男人比較膚淺。淨係睇外表。而我係著重內在美的 xD
用左一排。我地都好滿意！
Albert仔最得我歡心既係佢好靜。抽濕機黎講我地響Frys試過幾隻都嘈。
佢就非常靜。訓緊都開得！呔細響隔離睇書睇電視都無投訴~
另外一樣野值得講既係佢較時間。
可以24小時自動開關。幾時開幾時熄都得！
呢樣我真係好欣賞。因為之前果部只可以較幾時熄。
如果出成日街。我地出門口前開。抽佢3個鐘自動熄。
到我地返黎屋企時D地氈已經濕返。
變左我地一返黎又要即刻開一陣(訓又唔開得喎咁嘈@@)。
否則D房呀床呀就仲有D濕立立~
而Albert仔。我可以教佢6點先開始抽。抽到8，9點。
我地返黎就乾爽！因為通常係傍晚收左熱頭先開始濕。。
佢呢個功能我非常滿意！
Albert仔簡單易用。有LED燈顯示濕度。
我地一般較佢60%濕度以下就夠架喇~
而佢抽到底於60%後會自動熄。慳電安全~
呔仔拎左架同樣係黑白色既Transformer車仔黎。
話同Albert仔襯喎~haha~~
仲變左做Transformer添！heehee~~~
Albert仔係Stadler Form產品。係一個瑞士品牌~
我睇過佢地家電其他產品。全部都係型野！weak7大愛！！
而佢每件產品Designer都會以人名命名。
唔知我地屋企下次又會有邊位新成員呢? 呵呵~
秋名山AE86都黎埋！wakakaka~
朋友仔響FB睇到相報料。原來Albert仔有個細佬。
叫Albert Little。功能一樣。係for較細空間抽濕。
較適合香港家庭。仲平大佬成千蚊添！
2000零蚊。值得考慮~
我上網搵左張圖比你地睇下。Albert仔同佢細佬 ^^
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================
