琴日PO左張"又煲燶煲"既相。有卜友睇到隔離水龍頭舊野。
問我係咩黎?！令我醒起之前有卜友inbox問過我。
都仲未覆佢地。唔好意思等左咁耐 ^^
響美國呢邊。醫生建議小朋友一歲開始。
每半年check up+洗牙一次。
可能香港無咁早。我記得我細時都係小學先開始。
果時叫"牙科保健"。記得第1次去已經要補牙喇 @@
所以我都幾緊張佢地D牙。一直都好少食糖&朱古力。
更加無飲汽水。太壞牙了。。
可能日子有功。而家佢地都偏好食咸野。
蝦餅紫菜點心麵之類。好少食甜野~
呔細我就2，3歲先開始帶佢地去。
佢地又唔驚喎！
可能護士洗牙手勢好無整痛佢地。
加上有卡通睇坐得好定。heehee~
第1次睇牙。醫生已經講話叫我地要飲水喉水。
因為未煲過既水有FLOURIDE。對牙齒牙床健康好好！
由於屋企個濾水器已經用左幾年(應該仲衰過唔濾xD)
返HK時同朋友講開飲生水對牙床好。
佢就話佢用緊呢舊野。可以濾走細菌真菌微生物。
但保存到有益既礦物質。唔錯~
我自己都上網睇下資料。
見到佢個youtube可以將(金秀)水&果汁濾到變清水。
又真係幾堅喎！我咪又試下囉~
2月頭換既。果時都好多卜友問係咩牌子。
係日本牌子"三菱"出品。叫Cleansui。made in JAPAN~
sell我果個人話舊野用陶瓷+中空絲膜。
高度清除雜質之餘。再加活性炭除埋D生水味！
呢個好重要。因為呢邊餐廳好鐘意斟生水比你。
陣味好難頂。我問返朋友。佢都話飲時無生水味的~
返到黎美國。擺左成個月weak7都唔換。終於我出手。
其實扭扭扭幾分鐘攪掂。原來咁易裝。
早知唔使等佢啦！哼~
下低張相。純白有絲膜果舊。就係用完要更換既濾芯。
黃黃地有手制果part就長用。
幾時要換呢? 就係window顯示數字"0"既時候~
舊野可以過濾900L水。
手制就調較"原水"(未濾)定"清水"(濾左)。
我2月頭用到而家750L。即2個月用左150L。
咁計既話我可以用1年。
個濾水器就900幾蚊港紙。換濾水芯400蚊左右。
1年換1次都用得過~
我地用黎直接飲同煮飯煮麵。洗碗用返原水~
佢呢個牌子分Grade的。有D無過濾得咁清既就平少少。
但我覺得成家人直接飲落肚。梗係愈乾淨愈好啦。
所以我揀左最高Quality呢隻 > CSPXE Super High Grade
用左2個月感覺良好。最正係唔使煲水做少樣野。哈~
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================
