話說細細都返左學2星期。呢2星期我未feel到自己好free呀﹗
唔知係咪慣左痴住2隻仔。開始自己一個時好似無咩目的咁。。
一送完佢地唔知做咩好。又唔知去邊。 haha~
返屋企又唔係。去食早餐又一個人。唉~ 我做咩變左咁@@
不過呢D都係之前既事喇。而家都開始習慣。。
講到好似好耐咁。其實都只係朝早果2﹐3粒鐘。哈~
第時佢地返小學。放2點半。咪掛死我?﹗
放學仲可能同同學去hea下飲杯野 (無咁快掛? 起碼都中一啦﹗)
唔係喎﹗我小四已經浦緊德福 Roll場喇喎﹗﹗
唉呀~ 都係唔好諗落去。實在接受唔到 XD
講返細細。條友返學真係好叻。接送左阿哥成年係唔同~
完全都無喊過。不過就捉我陪佢食埋早餐。
佢開始上堂我就走~ (自己想陪仔咋掛﹗ XD)
所以一般我都磨到10點左右。heehee~
其實餘下時間不多。12點半又接仔喇~ 哈~~
~細細第2日返學記~
食完早餐有Reading Time。細細已經好投入了^^
10月8日。學校有Fire Truck黎宣傳下防火意識~
呢日呔細都好期待呀﹗
係囉﹗又係我囉﹗
我成日響學校徘徊架喇。keep住見到我行黎行去。D老師都見怪不怪。。
呢日本人仲騎呢。明明走左架嘛。又忍唔住返車等。
諗住一陣偷望下佢地出黎。wakakaka~
點知比細細離遠就見到我。跑過黎 XD
就係咁。我又棟左響度。不過老師們都好歡迎…我覺得~
(不要臉既阿媽 XD)
我變左負責影相。whatsapp返比D老師(爆﹗)
細細開心與消防車合照 ^^
成班細路聽消防叔叔講解~
呢Part好重要。講緊如果你個身上有火。
要停步。掩面。碌地﹗咁D火先會熄﹗
跟住叫大家跟住做一次。個個響度碌地沙 XD
嗌停好耐。班友仲碌緊 hahaha~
之後消防叔叔示範著晒所有裝備。同埋扮入火場~
都幾驚下有條友咁樣爬過黎。仲要戴住面罩講野變左擴音聲~
十分鬼片Feel。嚇到班友O晒咀 XDDD
之後叫D小朋友認住佢地呢身裝扮。
如果響火場見到佢地。唔好驚 。佢地係黎救你 ^^
唔怪得要黎宣傳下。我諗好多細路見到佢向你爬過黎。
一定反方向喪跑。以為係monster XD
好喇。睇完細細果班唔捨得走。又上返車等呔仔果班出黎 XD
(我都覺得自己不知所謂。但人地真係好想睇D仔丫嘛。haha^^)
結果真係比我望到條友。成班經過晒。我心諗。呔仔呢?
之後見到佢行最尾。仲要後過D老師﹗﹗
一見到我幾開心呀﹗撲埋黎~
(不過見佢Lunch都同同學仔有講有笑好開心。唔係真係驚佢自閉@@)
之後成日情深望住我。唔怪得話要娶我做老婆。
佢老豆唔妥佢好耐 XD
佢地呢班攪笑。有個同學既家長捐左批衫。
有消防員有警察。呔仔分得警察一件﹗
最正係。ms Sarah竟然專登留多一件比細細呀﹗真係好錫佢~
又到呢班"大長碌"﹗XD
呔豬仔化身Policeman~
高班呢班有得睇"開車箱"。入面原來咁多工具。有趣﹗
此日報告完畢。唔好話我痴仔呀﹗
我唔痴佢。你地邊有咁多野睇呀。哈~
全校得我一個阿媽在場。D 料獨家架﹗haha~
============================================
感謝 天使媽媽 提供以上資料
天使媽媽的網誌: http://prochats.she.com/angelmamafamily
============================================